Ruxsor FM: Қишда “Нефтчи”га “Цементчи” ва “Ёзёвон-лочинлари”дан футболчилар жалб қилинади

Евгений Черемесин “Қизилқум” билан ўйиннинг эртасигаёқ жамоани тарк этган. Табиийки, мавсум якунига етгач келди-келдилар ҳақида гаплар бошланади. Маълумотларга қараганда, ҳозир “Нефтчи”нинг барча футболчиларига жавоб берилган ва таркиб 15 декабрь куни яна йиғилади. Айнан мана шу илк йиғин вақтида кўп нарсага ойдиклик киритилади. “Нефтчи”нинг деярли 80 фоиз футболчиларининг шартномаси якунига етиб бормоқда. Аксарият, ўйинчилар билан бир йиллик шартнома имзоланган. Таътил якунига етгач, клубда ким қолиши ёки кетиш масаласига ойдиклик киритилади. “Нефтчи” олий лига-2016 арафасида таркибни кучайтиш ниятида. “Цементчи” ва “Ёзёвон-лочинлари” жамоаларидан янги ижрочилар “Нефтчи”га жалб қилинади. Хуллас, ҳозирча жамоадан кетадиганлар ҳақида хеч қандай маълумот йўқ. Кўп нарса биринчи йиғиндан сўнг маълум бўлади. Шунингдек, жамоа олдига олий лига-2016да аниқ бир вазифа қўйилиши ҳам кутилмоқда.

“Рухсор” радиоси, “Футбол кундалиги” дастуридан