Руни МЛС "қироли". Уэйн сўнгги ўриндаги "ДС Юнайтед"ни плей-оффга олиб чиқди + ФОТО
22 окт 2018 13:22
Янгиликлар

Руни МЛС "қироли". Уэйн сўнгги ўриндаги "ДС Юнайтед"ни плей-оффга олиб чиқди + ФОТО

МЛС навбатдаги тури доирасидаги беллашувлар якунланди.

Уэйн Руни тўп тепаётган "Ди Си Юнайтед" ўз майдонида Давид Вильяси бор "Нью Йорк Сити"ни қабул қилди. Қизиқарли ва голларга бой ўтган баҳсда Рунининг дубли жамоасига 3:1 ҳисобидаги ғалабани тақдим этди. Шу тариқа, "ДС Юнайтед" МЛС плей-офф беллашувларида иштирок этишни кафолатлаб қўйди.

Маълумот учун, Уэйн Руни жамоага келган пайтда "ДС Юнайтед" турнир жадвалининг сўнгги поғонасида бораётган эди. Ҳозир эса плей-оффга йўлланма нақд қилинди. Руни МЛСда жами 19та ўйин ўтказди ва 12та гол уриб, 6та голли пас берди. 32 ёшли инглиз охирги 6 ўйинда 8та гол урди.

"ДС Юнайтед" Руни келгунига қадар:

Ғалаба: 2та
Дуранг: 7
Мағлубият: 5
Тўплар нисбати: -6

"ДС Юнайтед" Руни келганидан сўнг:

Ғалаба: 12та
Дуранг: 4
Мағлубият: 3
Тўплар нисбати: +18