Руфат Акрамхўжаев: "Аламли гол ўтказиб юбордик"
01 апр 2021 21:47
Янгиликлар

Руфат Акрамхўжаев: "Аламли гол ўтказиб юбордик"

Coca Cola Суперлиганинг 4-туридан ўрин олган "Сўғдиёна" - "Сурхон" (2:1) учрашувидан сўнг меҳмонлар бош мураббийи Руфат Акрамхўжаев матбуот анжуманида иштирок эди.

Ўйин ҳақида

- "Сўғдиёна"ни ғалаба билан табриклайман. Ўйин биз учун ҳам омадли, ҳам омадсиз бўлди. Бугун ютиб кетишимиз ёки дуранг ўйнашимиз ҳам мумкин эди. Сўнги дақиқаларда жарима зарбасидан аламли гол ўтказиб юбордик.

Пенальтилар тўғри қўйилди деб ўйлайман, видео такрорларда кўрган бўлсаларинг керак. Бугунги ўйин ҳакамларига эътирозим йўқ. Бу футбол.

Бугун таркиб борасида озгина ўзгариш қилдик. Захирадан туширилган футболчилар ўйинни кучайтиришига ишонгандик. Ҳисоб тенглашганда ҳимоявий ўйин ташкил қилдик. Чунки "Сўғдиёна" кўп ҳужум ташкил этаётганди, ҳимоя чизиғимизни мустаҳкамлашимиз зарур эди. Бу қарши ҳужумда ўз натижасини берди, иккинчи пенальтини ишладик. Афсуски, голга айланмади.

- Бугун жамоангиз кўрсатган ўйиндан қониқдингизми?

- Жамоамиз бугун тўлиқ ўз ўйинини намойиш этди деб айта олмайман. Бу холат бўйича таҳлил қиламиз, Мураббийлар штаби билан бугунги ўйинимизни кўриб чиқамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +5