РПЛ ойнинг энг яхши футболчисини аниқлаш учун сўровнома ўтказмоқда. Шомуродовга овоз беринг!
30 июл 2019 20:35
Янгиликлар

РПЛ ойнинг энг яхши футболчисини аниқлаш учун сўровнома ўтказмоқда. Шомуродовга овоз беринг!

Россия Премьер-лигаси июль ойининг энг яхши футболчисини аниқлаш мақсадида сўровнома ўтказмоқда.

Овоз бериш жараёни ташкилотнинг Вконтакте ижтимоий тармоғидаги расмий саҳифасида бўлиб ўтмоқда. Номзодлар бешлигидан «Ростов» ҳужумчиси Элдор Шомуродов (3 ўйин, 2 гол ва 1 пас) ҳам жой олган. Ўзбекистон МТЖ форвардида 2098 нафар фойдаланувчи овоз берган ва бу кўрсаткич билан у ҳозирча 8,63 фоиз тўплаган ҳолда тўртинчи ўринда бормоқда.

Шунингдек, рўйхатдан Элдорнинг жамоадоши Алексей Ионов (3 ўйин, 2 гол ва 1 пас), «Крилья Советов» аъзоси Александр Соболев (3 ўйин, 3 гол ва 1 пас), «Зенит» футболчиси Артем Дзюба (3 ўйин, 2тадан гол ва пас), «Рубин» кипери Юрий Дюпин (3 ўйин, 2та қуруқ ўйин, 1та ўтказиб юборилган гол) жой олган.