Рўзиқул Бердиев: "Сурхон" кўпроқ узун паслар орқали ўйнашини билардик"
23 авг 2022 21:22
Янгиликлар

Рўзиқул Бердиев: "Сурхон" кўпроқ узун паслар орқали ўйнашини билардик"

Coca Cola Ўзбекистон кубоги нимчорак финалидан ўрин олган "Сурхон" – "Насаф" (1:2) ўйинидан сўнг қаршиликлар устози Рўзиқул Бердиев фикрларини билдирди.

- Ўйин ҳақида

- Ўйинни назорат қилдик. Биринчи голимиздан кейин кўплаб вазиятларни яратдик, бироқ ундан фойдалана олмадик.

Ҳимоячиларимизнинг хатоси туфайли тўп ўтказиб юбордик. Улар бошқа вазиятларда деярли хато қилишмади.

Бугунги ғалабада асосий омил иккинчи таймдаги ажойиб ҳаракатларимиз бўлди.

2:1 ҳисобида олдинда бораётганимизда ҳам вазиятлар яратишга ҳаракат қилдик. Асосийси, кейинги босқичга чиқдик. Барча мухлисларимизни табриклаймиз!

- "Сурхон" жамоасининг бугунги ўйини ҳақида нима дея оласиз?

- Албатта, "Сурхон"нинг ўйинларини ўргангандик. Испаниялик мураббий анча вақтдан бери фаолият олиб боряпти.

Кўпроқ узун паслар орқали ўйнашини билардик. Шу боис 3 та марказий ҳимоячи билан ўйнадик ва бу бизга қўл келди.

Ҳавола :

Манба : championat.asia

Янгиликларни Телеграмда ўқинг!

Рейтинг: +17