Рўзиқул Бердиев: "Рубин Хебай бетоб экани сабаб бугун ўйнай олмади"

Ўйин ҳақида

- Мавсумни ғалаба билан бошлаш ҳар доим ёқимли. Биринчи навбатда янги футбол мавсумининг очилиши билан барчани табриклайман. 

Битта вазиятни эътиборга олмасак, бугунги ўйинда рақибга деярли имконият бермадик. "Сўғдиёна" тўп билан ўйнашни яхши кўради. Шу боис ҳимояда эътиборлироқ бўлишимиз талаб этиларди. Менимча, тўп дарвоза устунига теккан ўша вазиятдан бошқа рақиб голли вазиятни ярата олмади. Ҳужумда кўпроқ вазиятимиз бўлди.

- Янги келган футболчилар ҳақида ...

- Уларни янги дея олмаймиз. Черанни, Умарни ёки Суҳробни, чунки улар ўзимизнинг футболчилар. Рубин Хебай бетоб экани сабаб бугун ўйнай олмади. Уларни таклиф этишдан мақсад бизга тажриба ва маҳорат керак. Ҳали олдинда ёрдамлари кўп тегади.

- Насруллаевнинг жароҳати жиддий эмасми?

- Ўйлайманки у кейинги ўйинларда сафимизга қўшилади. Машғулотда кичик жароҳат олди. Барибир ёрдам беришни ҳоҳлади. У биз учун муҳим футболчи.

- Игорь Голбан вақтдан ютиш учун туширилдими ёки сўнги дақиқаларда унга эҳтиёж сездингизми?

- Голбанни туширимиздан мақсад рақиб узун узатмаларга эътибор қаратаётганди. Охирида стандартлар ва узун узатмаларга қарши тура олиш учун бизга бўйдор футболчи зарур эди.

- Дарвозага кўпдан буён легионер футболчи жалб этилмаётганди. Сиз бу борада рақобатни оширишни мақсад қилганмисиз?

- Кутилмаганда Умид Эргашев жамоамизни тарк этди. У қолганида эҳтимол бошқа дарвозабон олмасдик. Шу боисдан янги дарвозабон вариантини кўриб чиқишимизга тўғри келди. 

- Давомида дарвозабонларга ўйин амалиёти қандай тақдим этилади?

- Зарур бўлганда ким тайёр бўлса, шунга имконият берилади. Ким хато қилса, кейингисида рақобатчиси майдонга тушади. 

- "Насаф"ни олдинда оғир мавсум кутиб турибди. Мавсум давомидаги режалар қандай?

- Бизда етарлича таркиб бор. Ёшлар жамоасидан бир нечта футболчилар жалб этилган.

- Бобир Абдихолиқовнинг жамоани тарк этишига сабаб нима?

- У хорижда ўзини синаб кўришни мақсад қилди. У Қозоғистонда, Беларусьда чемпион бўлди. Эҳтимол соаринлари қаторига Озарбайжон чемпионлигини ҳам қўшиб қўймоқчидир. Борган жойида яхши ўйин кўрсатаяпти, борган жойида омад тилаймиз.