Рўзиқул Бердиев: "Рақибни хато қилишга мажбур қилдик"

- Авваламбор бугунги байрам билан барча юртдошларимизни табриклайман. Ўйин ҳақида гапирадиган бўлсам учрашув бизнинг назоратимиз остида ўтди. Биринчи бўлимда рақиб жарима майдончаси ёнида прессинг қўллаб уларни хато қилишга мажбур қилдик. Биринчи бўлимда битта гол урган бўлсакда кўп голли вазиятларга эга бўлдик. Прессингда кўп куч йўқотганлигимиз туфайли иккинчи бўлимда ҳимояга кўпроқ эътибор қаратдик. “Бунёдкор”жамоасини яхши ўрганган эдик ва уларга эркин ҳаракат қилишга имкон бермадик. Ўзингизга маълум рақибимиз тўп билан яхши ҳаракат қилади. Йигитларга рақибимиз фитболчиларини имкон борича тўпсиз қолдиришни ва уларга босим ўтказишни тайинлаган эдим. Футболчиларимиз берилган кўрсатмаларни бажаришди. Барчани ғалаба билан табриклайман. Йигитларга ва мухлисларимизга миннатдорчилик билдираман.

- Бобир Абдихолиқов гол уришни билади. Бугун у вазиятдан унумли фойдаланди. Ўйлайманки унинг бугунги гол унга кейинги ўйинларда ҳам ёрдам беради.