Рўзиқул Бердиев: “Барча мухлисларимизни самимий табриклаймиз”
31 май 2017 07:40
Янгиликлар

Рўзиқул Бердиев: “Барча мухлисларимизни самимий табриклаймиз”

“Насаф” – “Пахтакор” учрашуви ниҳоясига етгач. Жамоамиз устози Рўзиқул Саъдуллаевич ҳар доимгидек ўйин ҳақидаги фикрларини билдириб ўтди.

- Аввало жамоамизни доим қўллаб-қувватлаб келаётган мухлисларимизни, умуман жамоамизга бефарқ бўлмаган барча футбол ишқибозларини, Ўзбекистон Кубогининг кейинги босқичига чиққанимиз билан самимий табриклайман. Уларга ташаккуримизни ва табригимизни етказиб қўясизлар деган, умиддаман. Насиб этса, бундай мухлисларимизни кейинги босқичда ҳам хурсанд қилишга ҳаракат қиламиз. Ўйин ҳақида тўхталадиган бўлсам, бугун биз тартибли ўйин намойиш қилдик. Мақсадимиз ғалаба қозониш эди, буни йигитлар уддалашди. Захирадан майдонга тушган ўйинчиларимиз ҳам, ўйинимизни кучайтира олишди. Бир сўз билан айтганда, барча футболчиларимиз кўрсатмаларимизни тўлиқ бажаришди.