Рўзимбой Аҳмедов: "Нурафшон"дан учралган мағлубият тасодифлигини исботлаш учун "Олимпик"ка қарши икки ҳисса тайёрланган эдик"

Қизиқарли кечган баҳсда меҳмонлар 1:2 ҳисобида мағлубиятга учради. Ўйиндан сўнг "Динамо"нинг ягона голи муаллифи Рўзимбой Аҳмедов фикрларини билдириб ўтди. 

"Нефтчи" билан учрашувдан олдин Суперлигага чиқишимиз ҳал бўлганди. Ўтган турда уйда мухлисларга ғалаба тортиқ қилмоқчи эдик. Лекин ғалаба қозонаётган жойимизда, иккинчи бўлимдаги хатолар эвазига 2та гол ўтказиб юбордик. Ушбу мағлубият тасодифлигини исботлаш учун "Олимпик" билан баҳсга икки ҳисса тайёргарлик кўрдик. Вазиятларимиздан фойдалана олганимиз йўқ. Рақиб сафидаги ёш футболчилар имкониятларидан фойдаланиб кетди",- дейди Рўзимбой Аҳмедов.