UZ

Сўнгги янгиликлар

17:06Фабио Каннаваро Турғунбоев ва Эшмуродовнинг йиғинга чақирилишига изоҳ берди, МТЖда икки нафар футболчи жароҳат олган  3 17:03"Унда ўзбек футболчилари ҳақида кўп маълумот бор" - Фабио Каннаваро Тимур Кападзенинг ёрдамчи бўлиши ҳақидаги саволга жавоб қайтарди  4 16:40"Нефтчи" – "Андижон" ва "Бунёдкор" – "Насаф" учрашувларида пенальти ҳолатлари бўлганмиди? 24-турдаги ҳакамлик таҳлили  3 16:21"Реал" ТВ Родригонинг жарима майдонида йиқилиши ҳақида: "Трансляция контакт пайтида бошқа кадрга ўтиб кетди"  4 16:02Ҳожимат Эркинов: "Бундан футболчи чиқмайди, бўйи паст" деб айтганлар бўлган"  0 15:43"Наполи" Неймар билан шартнома имзоламоқчи бўлган экан  0 14:57Терма жамоага яна икки футболчи чақирилди  7 14:26Бугун Осиёда ЖЧ-2026 саралашининг тўртинчи босқичига старт берилади  11 14:02Оқ ёки кўк? Ўзбекистон терма жамоаси Кувайтга қарши қайси рангдаги формаларда ўйнаши маълум бўлди  7 13:26Жеррард Трентнинг "Реал"га кетиши ҳақида: "Мен бундай қилмаган бўлардим. Нималар қилаяпсан ўзи?"  12 12:54МЮ футболчиси жамоани тарк этмоқчи  1 12:25Жеррард: "Руни бир ўзи рақибнинг бутун бошли ҳимоясига босим ярата оларди"  2 12:16Фабио Каннаваро ҳикояси: Копток узатувчиликдан "Олтин тўп"га қадар йўл  3 12:00Championat.asia ва Transfermarkt Суперлиганинг сентябрь ойидаги энг яхши мураббийи ва футболчисини аниқлади   2 10:55Криштиану Роналду: "Мақсад жаҳон чемпионатига чиқиш ва унда ғалаба қозониш"  53

Россия премьер лигаси: Шомуродовнинг голли сериясини тугатган ва "Ростов"ни яна тўхтатган "Уфа" ҳамда турнинг бошқа тафсилотлари Янгиликлар

Россия премьер лигаси: Шомуродовнинг голли сериясини тугатган ва "Ростов"ни яна тўхтатган "Уфа" ҳамда турнинг бошқа тафсилотлари

Россия чемпионатининг 6-тур якунлари ҳақида тўхталиб ўтамиз.

Вадим Афонин тўп тепаётган "Оренбург" ўз уйида "Сочи"ни қабул қилди. Муросасиз ўтган баҳсда жамоалар якунда муроса кўчасини танлашга қарор қилишди. Афонин эса учрашувни бошланғич таркибда бошлаб, ўйинни тўлиқ ўтказди.

Элдор Шомуродовнинг тўпурарлар пойгасидаги рақобатчиси Александр Соболев ҳаракат қилаётган "Крилья Советов" меҳмонда "Урал" қаршилигини енгди. Учрашувда эса Соболев мавсумдаги бешинчи голини киритиб, жамоаси ғалабасига ҳисса қўшди. 

Европа чемпионлар лигаси саралаш босқичидаги муваффақиятдан руҳланган "Краснодар" "Тамбов" жамоасини сафарда ишончли тарзда мағлубиятга учратди. 

Амалдаги чемпион "Зенит" эса ўз майдонида Грознийнинг "Ахмат" клуби билан беллашди. Учрашувнинг катта қисмини бир киши кам бўлиб ўтказган меҳмонлар баҳс якунига қадар таблодаги 0:0 ҳисобини ушлаб қолишни уддасидан чиқиб, уйларига қимматли 1 очко билан қайтишни уддалашди. "Зенит" эса жорий мавсумдаги иккинчи дурангни қайд этди.

Роман Шаронов бошқараётган "Рубин" мазкур турда Туланинг "Арсенал" клуби билан тўқнашди. Ўтган турдаги муваффақиятсизликдан кейин "Рубин" бу гал ягона гол эвазига ғалаба қозонди. Виталий Денисов эса яна захирада қолдирилди. Қайд этиш керакки, Денисов иккинчи турдаги ўйиндан кейин асосий таркибдаги жойини йўқотиб қўйди.

Карпин бошқарувидаги "Ростов" бу гал "Уфа" меҳмонига айланди. Ўтган мавсумда "Уфа"ни мағлуб этишни уддалай олмаган "Ростов" бу сафар ҳам буни амалга ошира олмади. Игбуннинг дубли "Ростов" жавоб қайтара олмади ва жорий мавсумда илк бор мағлубиятга учради. Учрашувда тўлиқ ўйнаган Шомуродов ҳам майдонни голсиз тарк этди. Ўтказилган 6 ўйинда Шомуродов иккинчи маротаба рақиб дарвозасига йўл топа олмади. Бунга қадар "Спартак" билан ўйинда Элдор рақиб дарвозасини ишғол этолмаганди. Шомуродов гол урмаган баҳсда эса "Ростов" мағлубиятга учради. Элдор учун "Уфа"га қарши ўйин унинг Россия чемпионатидаги юбилей 50-учрашувига айланди.

Турнинг сўнгги икки баҳси Москва дербисига айланди. "Динамо"ни дастлаб "Локомотив"ни қабул қилган бўлса, ЦСКА "Спартак" меҳмонига айланди.

Дастлабки дербида "Локо" ака-ука Миранчукларнинг голи эвазига муҳим ғалабани тантана қилди. Иккинчи дербида эса Жигонинг дубли "қайноқ" ўтган "Спартак" - ЦСКА қарама-қаршилигида мезбонларга ғалабани тақдим этди.


Шу тариқа Россия премьер лигасида 6-тур ўйинлари якунланди. Мазкур турда иккита дуранг ҳамда 3тадан меҳмон ва мезбон жамоаларнинг ғалабаси кузатилди. Жамоалар 6-турда жами 17та гол уришни эплашди.

Келаси турда Шомуродов тўп тепаётган "Ростов" ўз уйида Денисов жамоаси "Рубин"ни меҳмон қилади.

Турнир жадвалига эътибор қаратадиган бўлсак, "Зенит" гарчи очко йўқотган бўлсада 14 очко билан якка пешқадамлик қилмоқда. "Локо" ва "Краснодар" мазкур турдаги ғалабалар билан "Зенит"га яқинлашиб олишди ҳамда 13 очко тўплаган ҳолда 2-3 ўринларни бўлишиб туришибди. "Ростов" эса бешинчи ўринга тушиб кетган бўлса, "Спартак" тўртинчи поғонага кўтарилиб олди. Ўзаро дуранг ўйнаган "Оренбург" ва "Сочи" эса ҳали ҳам ғалаба қозонгани йўқ ва улар муносиб равишда энг охирги ўринларни банд этиб туришибди.

Тўпурарлар рўйхатида эса "Крилья Советов" ҳужумчиси Александр Соболев якка пешқадамга айланди. Артём Дзюба ва Элдор Шомуродов эса 4тадан гол билан ушбу рўйхатда иккинчи ўринни бўлишиб турибди.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика