UZ

Сўнгги янгиликлар

23:33Бундеслига: “Кёльн”- “РБ Лейпциг” LIVE  0 23:19"Бунёдкор" аъзолари санитария меъёрлари ва қоидаларига амал қилган ҳолда машғулотларни бошлади  1 22:56“Реал” машғулотларни бошлади (фото)  0 22:42Мухлислар «Краснодар» стадионини энг яхши деб топишди  0 21:50Футболчи 14 километр югуриб, Бундеслигада рекорд ўрнатди  2 21:26Балотелли "Брешия" билан судлашмоқчи  1 21:10ЛаЛига 28 ва 29-тур ўйинлари бошланиш вақтини маълум қилди  5 20:57Васкес: "Умид қиламанки, 11 финалда ғалабага эришамиз"  1 20:44"Ливерпуль" мавсумни "New Balance" либосларида якунлаб қўйишини маълум қилди  4 20:29"Арсенал" Обамеянг билан шартномани узайтиришга ҳаракат қилмоқда  1 20:15"Манчестер Юнайтед"нинг келаси мавсум уй ўйинлари либослари қандай бўлиши аниқ  8 19:57"Верона" янги логотипини кўрсатди  0 19:49"Реал" мухлислари учун хушхабар  4 19:35Ёз ва унинг кутилмаган қаҳрамонлари  1 19:33Сауль ўтадиган жамоа номи аниқ...ми?  3

Россия кубоги соҳиби бўлган Андижоннинг жайдари йигити бугун 32 ёшга тўлди Янгиликлар

Россия кубоги соҳиби бўлган Андижоннинг жайдари йигити бугун 32 ёшга тўлди

Бугунги санада ўз таваллуд айёмларини нишонлаётган футболчиларни унутилмас кун билан қутлашда давом этамиз.

Бугун Андижон футболи тарбияланувчиси, Ўзбекистон миллий терма жамоасининг собиқ ярим ҳимоячиси, Россия Кубоги соҳиби Вагиз Галиулин 32 ёшга қадам қўйди. Бугунги қаҳрамонимиз профессионал футболчилик фаолиятини 2002 йил "Андижон" жамоасида бошлаган. 2006 йилда "Рубин" клубига кўчиб ўтган. Кейинчалик Россиянинг бошқа клублари - "Сибирь", "Нефтехимик", "Уфа", "Тосно", "Тамбов" шарафини ҳимоя қилди. Ҳозирда эса қуйи дивизион жамоаси "Нефтехимик"да тўп тепмоқда. Вагиз "Тосно" билан бирга Россия Кубогида зафар қучган. Бир неча йил давомида Ўзбекистон миллий терма жамоаси таркибида ўйнаган. 2011 йилда Осиё Кубогида жамоамиз билан бирга 4-ўринни эгаллаган. 

- Ўзимни иродали инсон деб биламан. Болалик чоғимдаёқ ана шундай характерга эга бўлганман. Мен туғилганимда онам вафот этганлар. Онасиз улғайдим. Дадам ишга кетган пайтларида бир ўзим мактабга борардим. Машғулотларга ҳам фақат ёлғиз борганман. Ёшлик чоғимдан мустақил яшашга ўргандим ва тинмасдан ҳаракатда бўлдим. Россияга 18 ёшимда келганман ва бундай катта мамлакатда бир ўзим қолганман. Дадамнинг маслаҳатлари билан ҳамма нарса жойига тушган. Яқинларимнинг жуда яхши қўллаб туриши менинг устун томонларимдан биридир, - дея ёшликдаги қийинчиликларни эслайди Галиулин.

Фурсатдан фойдаланиб, бугун таваллуд кунини нишонлаётган Вагиз Галиулинни унутилмас сана билан муборакбод этамиз. Балки, қачонлардир у яна Андижонга, Ўзбекистонга қайтар. Мураббий сифатида кўп йиллик тажрибаларини ёш авлодга улашар, биз бунга чин дилдан умид қилиб қоламиз. У "Рубин"да туркманистонлик машҳур мутахассис Қурбон Бердиев қўл остида бир неча мавсум ўйнаган. 

Рейтинг: +24   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг