Россия чемпионатида ўзбекистонлик футболчилар нега камайиб кетди? Виталий Денисов жавоб берди
16 май 2020 12:57
Янгиликлар

Россия чемпионатида ўзбекистонлик футболчилар нега камайиб кетди? Виталий Денисов жавоб берди

Кеча “Тезкор Студия” меҳмони бўлган, ҳозирда “Ротор” жамоаси шарафини ҳимоя қилаётган футболчимиз Виталий Денисов, Россия преьмер-лигасида ўзбекистонлик футболчиларнинг камайиб кетганига қуйидагича изоҳ берди.

“Биринчи галда футболчиларнинг сифати ва даражаси муҳим. Салоҳияти юқори бўлган футболчиларимизга Россия кубларидан таклифлар бўлади.

Клублар номи ва футболчи фамилиясини айтмайман, ўз вақтида ҳатто мен орқали ҳам чиқишган. Россия клубидан футболчи учун 1,5 ёки 2 миллион сўрашган, кейинроқ ўша футболчи Осиё клубига кетган ва трансфер нархи 5 миллион бўлганди.

Бизнинг клублар эса Россия клубига футболчини 2 миллион долларга сотишни исташади. Келинг тан олайлик, бугунги кунда Ўзбекистон чемпионатида ўйнаган футболчини Россияга 2 миллионга сотишнинг иложи йўқ. Балки футболчининг кейинги трансферидан фоизлар олиш борасида шартнома тузилса ҳам бўлади, аммо ўзбек клублари барча пулни ҳозир ва бугун олишни исташади”,- деди Виталий Денисов "Тезкор студия"да.