Роналдунинг транфсери учун МЮ 15+8 млн евро тўлайди
27 авг 2021 22:30
Янгиликлар

Роналдунинг транфсери учун МЮ 15+8 млн евро тўлайди

Криштиану Роналду "Манчестер Юнайтед"га ўтди.

"Манчестер Юнайтед" клуби Роналдунинг трансфери учун "Ювентус"га 15 млн евро тўлайди. Яна 8 млн евро бонуслар кўринишида тўланиши мумкин. Бу ҳақида машҳур инсайдер ва журналист Фабрицио Романо хабар берди.

"Юве" кафолатланган 20 млн еврони олади. Сабаби, шартномада кўрсатилган бонусларни олиш Роналду учун унчалик ҳам қийинчилик туғдирмайди. Манбанинг қўшимча қилишича, Погба ҳеч қачон музокаралар таркибида бўлмаган. У "Ювентус"га ўтмайди.

Эслатиб ўтамиз, Криштиану "Юнайтед"да 2003 йилдан 2009 йилгача тўп сурган ҳамда клуб таркибида 292 ўйинда 118 та гол урган.

"Манчестер Юнайтед" таркибида Роналду уч марта Англия чемпионлигини, икки марта Англия Лига кубогини ва бир марта мамлакат кубогини қўлга киритди.

2008 йилда футболчи "Юнайтед" билан биргаликда Чемпионлар лигаси ва клублар ўртасидаги жаҳон чемпионатида ғолиб бўлди.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +48