Роналду бу ўйинда тўла 90 дақиқа ўйнади, лекин самарали ҳаракат қайд этмади.
"Бизда битта вазифа бор. Ишни давом эттирамиз. Биргамиз", — деб ёзди Роналду ўзининг Х ижтимоий тармоғидаги саҳифасида.
Шу тариқа Криштиану жамоаси мамлакат чемпионатидаги 16 та ўйинлик ғалабалар сериясини тўхтатди. "Ал Насср" Саудия Арабистони чемпионати жадвалида 1-ўринни сақлаб турибди. Жамоа 31 ўйинда 79 очко тўплаган. 2-ўриндаги "Ал Ҳилол"дан (бир ўйин захирада) 5 очко ўтиб кетган. Роналду 2023 йилдан бери "Ал Насср"да ўйнайди. Жорий мавсумда 41 ёшли ҳужумчи барча турнирларда 33 ўйинда 27 та гол урди ва 4 та голли узатма берди.
