Роналдо: «Жаҳон футболида инқироз юзага келган»
21 май 2015 07:00
Янгиликлар

Роналдо: «Жаҳон футболида инқироз юзага келган»

Бразилиялик машҳур футболчи Роналдо "Олтин тўп" совринига даъвогарлар сони камлигини таъкидлаб ўтди.

"Мен футбол ўйнаган давримда ҳар мавсум "Олтин тўп" соврини учун камида 8-10 футболчилар даъвогарлик қилишарди. Айни пайтда, аниқроғи сўнгги 8 йилдан буён бу пойгада фақат иккита футболчи қатнашмоқда. Мени ўйлашимча, улар ўз ишларини жуда яхши амалга оширишмоқда. Лекин қолганлар уларга ета олишмаяпти. Биз жаҳон футболи инқирозга юз тутганини кўришимиз мумкин. Мен истардимки, "Олтин тўп" учун кўплаб футболчилар кураш олиб боришса. Мен футбол ўйнаган пайтимда Фигу, Зидан, Ривалдо, Роналдиньо, Мальдини, Фабио Каннаваро ва Роббен сингари футболчилар энг кучли бўлишга рақобатчилик қилишарди. Ўша даврларни соғиндим. Тезроқ энг кучли футболчи номига даъвогарлар сони ошишини хоҳлайман", - дейди Роналдо.

Ҳавола :

Манба : sports.ru

Янгиликларни Телеграмда ўқинг!

Рейтинг: