Роналдиньо: «Коутиньо «Барселона»га жуда мос тушарди»
27 май 2015 06:52
Янгиликлар

Роналдиньо: «Коутиньо «Барселона»га жуда мос тушарди»

«Барселона»нинг собиқ футболчиси Роналдиньонинг фикрича, Филиппе Коутиньо каталонияликларнинг ўйин фалсафасига жуда тўғри келади.

"Коутиньо фантастик мавсумни ўтказди. Коутиньо европадаги марказда ўйнаган энг яхши футболчилардан бири бўлди. Коутиньо ўйнаган жамоа у қадар яхши ўйин кўрсата олмаганини ҳисобга олсак, унда унинг кўрсатган ўйини янада қадрлироқ бўлади.

Мени Коутиньо номидан ёки "Барселона" номидан гапиришга ҳаққим йўқ. Лекин мен "Барселона" қандай футболчиларни излаётганини биламан. Фелиппе Коутиньода улар истаган барча хислатлар мавжуд.

Узоқ йиллардан сўнг Хави жамоани тарк этди, Иньестани эса ёши ўтиб бормоқда. Бунга эътибор қаратиш лозим. Шу боис Коутиньо "Барселона"га жуда мос келган бўларди.

Қачонки сен буюк ва маҳоратли футболчилар билан бирга ўйнасанг, ўйининг янада кучаяди ва янада ўсишга эришасан. Буни мен яхши биламан. Коутиньо "Барселона"га келса нафақат соврин ютади, балки футболчи сифатида ҳам катта ўсишга эришади. Неймар, Месси, Суарез ва Иньеста каби футболчилар билан ўйнаш унга катта фойда бўларди", - дейди Роналдиньо.

Ҳавола :

Манба : sports.ru

Янгиликларни Телеграмда ўқинг!

Рейтинг: