Ривалдо: "Ҳоланд "Олтин тўп"га даъвогар бўлади, чунки у йирик совринлар учун курашади"

"Боруссия Дортмунд"даги икки мавсумдан сўнг "Сити" ҳужумида ажойиб қурол бўладиган бу ёш футболчининг маҳоратига шубҳа йўқ.

Ҳоланд Чемпионлар лигасида тажрибага эга, Бундеслигада кўплаб голлар урган ва чемпионлик учун курашиш истаги катта, шунинг учун унинг "Сити" билан ҳамкорлиги муваффақиятли бўлиши мумкин.

Унинг тезлиги, ҳужумни якунлаши ва кучли зарбаси инглиз футболига жуда мос тушади. Ўйлайманки, Ҳоланд кўп йиллар давомида Премьер-лиганинг энг яхши тўпурарларидан бири бўлиб қолади ва шу боис ҳам “Олтин тўп”га жиддий даъвогар бўлади, чунки у ҳам Премьер-лига, ҳам Чемпионлар лигасида ғолиб чиқиш учун курашади”, - деди 1999 йилги "Олтин тўп" соҳиби.