UZ

Сўнгги янгиликлар

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  4 00:42CAFA Nations Cup-2025. Энг яхшилар аниқланди ва ғолибга соврин топширилди  21 00:30Муҳаммадрасул Абдумажидов Бельгия клубига ўтмайди  2 00:14Славен Билич Ўзбекистон терма жамоаси бош мураббийига айланиши мумкин  30 00:05Тимур Кападзе: "Эрон терма жамоаси қачон рози бўлган ўзи?"  96 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1027 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  11 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

Реванш олинди. Олмалиқдаги "жанг" ҳақида қизиқ маълумотлар Янгиликлар

Реванш олинди. Олмалиқдаги "жанг" ҳақида қизиқ маълумотлар

Суперлиганинг 22-туридан ўрин олган дастлабки кунги баҳслар якунига етди.

Қосимов Хамяковдан устун келди

Турни очиб берувчи баҳс ОКМК спорт мажмуасида ўтказилди. Унда АГМК футболчилари "Машъал"ни мағлуб қилишди (3:2). Шу тариқа Миржалол Қосимов Муборакда ўтган 1-даврадаги мағлубият учун россиялик ҳамкасбидан реванш олди.

Турнир жадвали

Бугунги ғалаба олмалиқликлар учун мавсумдаги 11-си бўлди. Айни пайтда АГМК очколари сонини 40 тага етказиб олди. Мавсумдаги 12-мағлубиятини қабул қилиб олган Муборак клуби эса тур якунида аутсайдерлар зонасига тушиб кетиши мумкин.

Голлар

Ўйинда ҳисобни очган Самуэль Чигози (нигериялик) рақиблари дарвозасига (Машъал) жорий мавсумдаги 5-тўпини киритди. Муборакликларнинг ҳисобни қисқартирувчи голига муаллифлик қилган Сирожиддин Қўзиев эса бу йилдаги 2-голини урди.

11 метрлик жарима зарбасидан унумли фойдаланиб, ҳисобни тенглаштирган Санжар Турсунов 2021 йилда 5-голини (4 таси пенальтидан) ургани ҳолда Касьянга етиб олди. Ҳар 2 футболчи 5 тадан гол билан АГМКнинг энг яхши тўпурари бўлиб туришибди.

Миржамол Қосимов жорий мавсумдаги 2-голини урган бўлса, олмалиқликлар ҳимоячиси Аббос Отахонов 2020 йилнинг 2 июлидан бери илк бор рақиб дарвозасини ишғол қилди. 

Ўйин қаҳрамони

ЎзПФЛ комиссари (Жаҳонгир Раҳматуллаев) учрашувнинг энг яхши футболчиси сифатида Олмалиқ клуби сардори Санжар Турсуновни эътироф қилди.

Қизиқ рақамлар

1. АГМК 2012 йилдан бери илк бор "Машъал" дарвозасига 3 та гол урди.

2. Ушбу жамоалар ўртасидаги баҳсда 2009 йилдан бери биринчи марта 5 та тўп киритилди.

3. Миржалол Қосимов жамоаси жорий мавсум Раҳимбек Каримов бошқарган барча ўйинларда зафар қучяпти.

12-тур. АГМК 2:1 "Қўқон-1912"

18-тур. АГМК 2:0 "Турон"

22-тур. АГМК 3:2 "Машъал"

4. Хомяков шогирдлари эса Жаҳонгир Раҳматуллаев комиссар сифатида ишлаган барча учрашувларни ютқазмоқда.

10-тур. "Навбаҳор" 2:0 "Машъал"

17-тур. "Машъал" 0:1 "Андижон"

22-тур. АГМК 3:2 "Машъал"

5. Мартин Боакенинг голсиз серияси 8 та ўйинга етди. Италиялик форвард Суперлигадаги охирги (АГМК таркибидаги ягона) голини 14-турда "Локомотив" дарвозасига урган эди. 

6. АГМК 6 турдан бери мағлуб бўлмаяпти (3 ғалаба, 3 дуранг), "Машъал" эса худди шунча вақтдан бери ғалаба қозонолмаяпти (4 мағлубият, 2 дуранг).

7. АГМК жорий мавсум фақат 1 гал ОКМК спорт мажмуасида ўтказилган ўйинда майдонни голсиз тарк этди (3-тур, АГМК 0:3 "Пахтакор").

Маълумот учун, 23-тур баҳслари 21 октябрь куни старт олади. АГМК шу куни Бекободда меҳмон бўлса, "Машъал" 2 кундан кейин "Навбаҳор"ни қабул қилади.

Суперлиганинг энг қиммат футболчисини биласизми? Легионерни-чи?

Муаллиф :
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика