"Qirollik klubi"ning yangi maqsadi Kataloniyaning "Espanol" klubi himoyachisi Mario Ermoso. Futbolchi joriy mavsum sezilarli o'sishga erishdi, 8 noyabrda Ispaniya terma jamoasiga chaqirildi. Ermoso "Real" tarbiyalanuvchisi hisoblanadi. U 2017 yilda "Espanol"ga o'tgan, qaymoqranglilar himoyachini yanvarda 7,5 mln evro evaziga sotib olishi mumkin.
"Espanol" o'zining muhim futbolchisi bilan xayrlashmoqchi emas, biroq moliyaviy muammolar tufayli Ermosoni sotishga majbur bo'lishi mumkin. "Arsenal" ham himoyachi kuzatishda davom etmoqda.
