Ушбу баҳс нафақат чорак финал йўлланмаси учун кураш, балки икки мамлакатни ўзаро боғлаб турувчи ўзига хос тарихий ва маданий ришталар сабабли ҳам мухлислар эътиборида.
Марокаш терма жамоасининг тарихий муваффақиятларида, хусусан, ўтган мундиаллардаги ёрқин ўйинларида дарвозабон Яссин Бунунинг хизматлари беқиёс. Аммо кўпчилик футбол мухлислари Бунунинг аслида Канаданинг Монреал шаҳрида туғилганини билавермайди.
Яссин Буну 1991 йилда Канаданинг Монреал шаҳрида, марокашлик муҳожирлар оиласида дунёга келган. Унинг ота-онаси яхшироқ ҳаёт илинжида Шимолий Америкага кўчиб ўтган бўлса-да, оила Буну уч ёшга тўлганида Марокашнинг Касабланка шаҳрига қайтишга қарор қилади. Айнан Шимолий Африка заминида бўлажак футболчининг миллий ўзлиги шаклланди.
Канада қонунчилигига кўра, Монреалда туғилгани сабабли у тўлақонли Канада фуқароси ҳисобланар эди. Профессионал спортчи сифатида шаклланиб, Европа клублари эътиборига тушганида, Канада футбол ассоциацияси уни ўз сафига қўшиб олишга бир неча бор уринган. Бироқ Бунунинг юраги бошқа томонга талпинарди. У ўз тарихий ватанини танлади ва Марокаш спорти тарихидаги энг ёрқин саҳифаларни ёзишда асосий қаҳрамонлардан бирига айланди.
Канадада, айниқса Квебек провинциясида жуда катта марокашликлар диаспораси яшайди. Бу дегани, бугунги ўйин оддий спорт баҳсидан кўра, Канада кўчаларида катта маданий фестивалга – икки миллат вакилларининг бир-бири билан дўстона, аммо қизғин мухлислик рақобатига айланади.
ЖЧ-2026'ни Allplay'да томоша қилинг — CHAMPIONATASIA промокоди билан 45 кун бепул
Промокодни фаоллаштириш ҲАВОЛАСИ
