"Реал" Куртуанинг ўрнига дарвозабонлар шорт-листини тузиб қўйди
10 авг 2023 20:25
Янгиликлар

"Реал" Куртуанинг ўрнига дарвозабонлар шорт-листини тузиб қўйди

Теглар : Кепа Арисабалага Давид Де Хеа Тибо Куртуа "Реал Мадрид"Кейлор Навас Яссин Буну

Дарвозабон Тибо Куртуанинг жароҳати сабабли "Реал" яна трансферлар бозорига киради.

Испания матбуоти хабарига кўра, "қаймоқранглилар" бельгияликнинг ўрнига дарвозабонлар шорт-листини тузиб қўйган.

Рўйхатда Яссин Буну, Кепа Аррисабалага, Давид де Хеа ва Кейлор Навас каби дарвозабонлар ўрин олган. Шуларнинг сўнгги икки нафари айни дамда эркин агент мақомида бўлиб турибди.

Эслатиб ўтамиз, кечаги машғулотларда "Реал" посбони машғулотларида жароҳат олиб, кўз ёшлари билан майдондан чиқиб кетган. Бельгиялик дарвозабоннинг чап тиззасининг хочсимон боғлами шикастлангани айтилмоқда. Шу сабабли у янги мавсумда умуман майдонга туша олмаслиги мумкин.

"Атлетик"ка қарши ўйинда "Реал" дарвозасини Андрей Лунин қўриқлайди. Аммо навбатдаги ўйинларга қадар клуб дарвозабон олиб келишни режа қилмоқда.

Ҳавола :

Манба : Marca

Янгиликларни Телеграмда ўқинг!

Рейтинг: +5