Расмий хабар: Ўзбекистон ноябрь ойида Австралияда иккита ўйин ўтказади
23 окт 2018 12:39
Янгиликлар
Расмий хабар: Ўзбекистон ноябрь ойида Австралияда иккита ўйин ўтказади
Ўзбекистон футбол ассоциацияси келаси йилнинг январь ойида Осиё кубогига тайёргарлик кўраётган Ўзбекистон миллий терма жамоаси учун ўртоқлик ўйинлари ташкил қилишда давом этади.
Эктор Купер бошчилигидаги миллий терма жамоамиз сентябрь ойида Сурия ва Эрон, октябрда эса КХДР ва Қатар терма жамоаларига қарши Тошкентда ўртоқлик ўйинлари ўтказди.
Ноябрь ойидаги ФИФА кунларидан ҳам унумли фойдаланиш мақсадида, Ўзбекистон МТЖ учун ноябрь ойида иккита ўртоқлик ўйини ташкил қилинади.
15 ноябрь куни вакилларимиз Ливан терма жамоасига қарши тўп сурса, 20 ноябрь куни Жанубий Кореяга қарши ўртоқлик ўйини ўтказилади. Ҳар икки учрашув Австралиянинг Брисбен шаҳрида бўлиб ўтади.
Эслатиб ўтамиз, Осиё кубоги 2019 йилнинг 5 январь - 1 февраль кунлари Бирлашган Араб Амирликларида бўлиб ўтади.
Ўхшаш янгиликлар
championat.asia
Ўртоқлик учрашуви. Каннавародан ғалабали дебют, Ўзбекистон Кувайтдан устун келди
Фабио Каннаваро Ўзбекистон миллий терма жамоасининг Уругвайга қарши ўйин учун қайдномасини эълон қилди: Норчаев чақирилди
Ўзбекистон термаси собиқ бош мураббийи: "Каннавародан кўра Кападзе термага кўпроқ мос эди"
Россиялик собиқ футболчи Эрон термаси ҳақида: "Сайёҳлар жамоаси. Улар қандай қилиб жаҳон чемпионатига чиқди, ҳайронман"
Фикрлар