Bunga jamoaning OFK kubogi 2021 yilgi mavsumi doirasidagi Gonkongninng "Li Man" klubi bilan uchrashuvda xavfsizlik va karantin qoidalariga rioya etmagani asos bo'lgan.
Nihoyat, bu masala bo'yicha tashkilot Tartib-intizom qo'mitasining qarorlari e'lon qilindi. Unda takidlanishicha, "Nasaf" va "Li Man" jamoalari o'rtasidagi uchrashuvda quyidagi qoidabuzarliklar qayd etilgan:
1) 320 nafar muxlis futbolchilar zaxirasi uchun mo'ljallangan joyga o'tirgan;
2) 2 nafar muxlis hakamning yakuniy hushtagi chalinganidan keyin maydonga tushib ketgan;
3) klub xavfsizlik bo'yicha o'z zimmasidagi vazifalarni taminlay olmagan;
4) maydon atrofida akkreditatsiyasi yo'q shaxslar yurgan;
5) tomoshabinlar stadionda tamaki chekkan.
OFKning Tartib-intizom qo'mitasi yuqoridagi holatlarni o'rganib chiqib, qaror chiqardi:
1) "Nasaf" tartib-intizom kodeksining 22.2 bandini buzgani uchun 28 ming AQSH dollari miqdorida jarima to'laydi;
2) Tartib-intizom kodeksining 34.1 va 34.3 bandlarini buzgani uchun shartli ravishda (!) 21 ming AQSH dollari miqdorida jarima. Bu band agar yaqin 2 yil ichida shu holat yana takrorlansagina faollashadi;
3) Tartib-intizom kodeksining 1-paragrafi bo'yicha 90 kun ichida 7 ming AQSH dollari to'lash majburiyati.
Shuningdek, shunday holat yana qaytarilsa, bundan ham qattiqroq chora ko'rilishi takidlangan.
