Расман: "Милан"га клуб тарихидаги биринчи эквадорлик ўтди

Италия клуби футболчи билан 2030 йилнинг 30 июнига қадар мўлжалланган шартнома имзолади. "Брайтон" у учун 20 млн евро ва бонусларга эга бўлади.

Алоҳида айтиш жоиз, 27 ёшли Эступинян “россонери” тарихидаги илк эквадорлик футболчига айланди.

Эступиньян 2022 йилдан буён "Брайтон"да ўйнаб келаётганди. У инглиз клуби сафида 104 ўйин ўтказиб, 5 та гол урган.

Миланликлар янги футболчиси Эквадор терма жамоаси сафида 48 ўйинда қатнашиб, 5 та тўп киритган.