Рангник: “Математик жиҳатдан топ-4'га кириш учун ҳали имконимиз бор”

“Агар ўйинни умумий кўриб чиқсак, дуранг – бу нормал ҳолат деб ўйлайман. Охирги 15 дақиқаликда ғалаба голини уришга ҳаракат қилдик, 2-3 та яхши имконият бўлди.

Математик жиҳатдан кучли тўртликка кириш имкони бор экан, иложи борича кўпроқ ўйинларда ғалабага эришиб, бунга уддалашга интиламиз. Очиғи, 2 очко йўқотганимиздан кейин аҳволимиз яхшилангани йўқ. Мавсумни юқори нотада якунлашимиз шарт. “Эвертон”га қарши учрашувга тайёргалик кўришимиз ва ғалаба қозонишимиз лозим”, дейди Рангник.

“Қизил иблислар” мусобақа жадвалида 51 очко билан 6-ўринда бормоқда. Жамоани ЕЧЛ поғонасида 3 очко ажратиб турибди. 4-поғонадаги “Арсенал” бу турдаги ўйинини ҳали ўтказмади ва битта захира учрашуви ҳам бор.