Mazkur bahsga "qizil furiya"ni Serxio Ramos sardor sifatida boshlab tushgan. Bu o'yin 34 yoshli futbolchi uchun milliy jamoa libosidagi 177-si hisoblanadi. Shu tariqa Ramos terma jamoadagi o'yinlar soni bo'yicha italiyalik Janluiji Buffondan o'zib ketdi.
Bu ko'rsatkich bo'yicha misrlik Ahmad Hassan jahonning mutloq yetakchisi hisoblanadi - 184 o'yin. Keyingi o'rinni ummonlik Ahmad Muborak band qilgan - 179 o'yin. 3-pog'onaga saudiyalik Muhammad Al-Deayya va quvaytlik Bader Al-Mutava joylashgan - 178 bahs. Ramos va meksikalik Klaudio Suares hisobida esa 177 o'yin bor. "Real" va Ispaniya terma jamoasi yetakchisi tez orada barchani ortda qoldirsa kerak.
