ЖЧ-2022 саралаш. Осиёдаги илк истеъфо
13 сен 2019 10:44
Янгиликлар

ЖЧ-2022 саралаш. Осиёдаги илк истеъфо

Қувайт терма жамоаси бош мураббийи Ромео Йозак истеъфога чиқарилди.

Қувайт футбол ассоциацияси ЖЧ-2022 саралаш босқичи 2-тур доирасидаги Австралиядан учралган 0:3 ҳисобидаги мағлубиятдан сўнг мутахассисни истеъфога чиқарди.

Қайд этиш керакки, терма жамоа ЖЧ-2022 саралаш баҳсларини Непал (7:0)га қарши ўйиндаги йирик ҳисобдаги ғалаба билан бошлаган эди.

46 ёшли мутахассис Қувайт терма жамоасида ўтган йилдан бери фаолият олиб бораётган эди.

Хорватиялик мутахассис фаолияти давомида Қувайт термасидан ташқари "Динамо" (Загреб), "Осиек", "Легия" клубларида, шунингдек Ливия ва Хорватия терма жамоаларида ишлаган.

Шундай қилиб, Қувайт терма жамоаси саралашдаги кейинги ўйинини 10 октябрда Иорданияга қарши сафарда ўтказади.