"Қўқон-1912" - "Обод". Ўринбосарлар ўйинидан сўнг мураббийлар фикрлари

Хайрулла Абдиев: (“Обод” жамоаси ўринбосарлари мураббийи): – Ўйинни шогирдларим яхши бошлашди.  Лекин барибир жамоамизнинг янги эканлиги панд берди. Футболчиларнинг бир-бирини тушуниб олишига бироз вақт керак. Кейинги ўйинга тайёргарликни бошлаймиз.

Муҳиддин Абдувалиев:  (“Қўқон-1912” ўринбосарлари мураббийи): – Биринчи ўйинмиз дебютант жамоага қарши бўлиб ўтди. Рақибимиз бугунги баҳсга пухта тайёргарлик кўргани кўриниб турибди. Бугун ғалаба қозонишимиз қийин бўлди. Бугунги ўйинда борларини бериб ўйнаганлари учун шогирдларимга раҳмат айтаман. Кейинги баҳсларда ҳам ғалаба қозониб мухлисларни хурсанд этишга ҳаракат қиламиз.

• Бугунги учрашувнинг энг яхши ўйинчиси сифатида кимни кўрсата оласиз?
• Болаларнинг ҳаммаси ҳам яхши тўп суришди. Биринчи бўлимда айниқса, Азизхон Ибрагимов яхши ўйнади. Қолаверса, ёш ҳужумчимиз Достонбек Мелиқўзиевнинг бугунги ҳаракатлари маъқул бўлди.