UZ

Сўнгги янгиликлар

00:35Роналдунинг либосини кийган таниқли блогер Мессига алоқадор ресторандан ҳайдаб юборилди  0 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  2 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  19 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1

Қодирқулов: "Тушликдан сўнг "кийимларингни йиғиштир" дейишди" Янгиликлар

Қодирқулов: "Тушликдан сўнг "кийимларингни йиғиштир" дейишди"

Ўзбекистон терма жамоаси ва "Бунёдкор"нинг ёш, иқтидорли футболчиси Санжар Қодирқулов уни МТЖга қандай чақиришганини айтиб берди.

- Сизнинг кўзингиз билан қараганда баҳс қандай ўтди?

- Вазифамизни ўзимиз қийинлаштириб олдик. Биринчи бўлим охирида хотиржамликка берилиб, гол ўтказганимиздан сўнг, иккинчи тайм бошида бироз қийналдик. Худога шукур, ғалаба қозондик.

- Вадим Абрамов Лутфулла Тўраевни терма жамоага чақирганда баъзи мухлис ва журналистлар бу қарор борасида танқидий фикрлар билдиришди. Унинг навбатдаги кутилмаган қарори сизни Яманга қарши учрашувда асосий таркибда майдонга тушириш бўлди. Мураббийнинг таваккали туфайли қўрқув ёки ҳаяжон бўлдими?

- Қўрқув бўлди дея олмайман, аммо ҳаяжонландим. Масъулияти катта бўлган баҳсда Вадим Карленович менга ишонч билдирди. Бу қарор мени ҳайрон қолдирди. Яманга қарши баҳсда гол урганимдан сўнг ҳаяжон анча пасайди ва мухлислар қўллаб-қувватлаши билан ўзимга бўлган ишонч ортди.

- Ўйинлардан сўнг сайтларда "коммент"ларни ўқиб турасизми?

- Онда-сонда ўқиб тураман. Бош мураббий Вадим Карленович изоҳларни ўқимасликни маслаҳат беради. Унинг айтишича, бу "коммент"лар футболчига салбий таъсир қилар экан.

- Ўзбекистон терма жамоаси ва "Бунёдкор" услуби ўхшашми?

- Йўқ, ўхшаш дея олмайман. Лекин футболчиларга талаб бир хил.

- Терма жамоа сафида иккита баҳсда майдонга тушдингиз. Ўз ўйинингиздан кўнглингиз тўлдими?

- Футболчи ҳеч қачон "энг зўриман" ёки "яхши ҳаракат қиляпман" деб тўхтаб қолмаслиги керак. МТЖ баҳсларида хатоларга йўл қўйдим. Энди у хатоларни таҳлил қилиб, улар устида ишлашим керак.

- Терма жамоадан чақирув олганингизни кимдан билдингиз?

- ОТЖ сафида Ўзбекистон терма жамоасига қарши ўртоқлик учрашувида майдонга тушган эдим. Эртасига тушликдан чиққанимиздан сўнг менга ЎФА (Ўзбекистон футбол ассоциацияси)дан қўнғироқ бўлди ва мени МТЖга таклиф қилишиб, "кийимларингни йиғиштир" дейишди.

Рейтинг: +84   

Фикрлар

championat.asia
< сўнгги янгиликларни кўриш
Яндекс.Метрика