"Қизилқум"га мағлуб бўлгач, Жасур Абдураимов матбуот анжуманига келмади, сабаби...

Унда мезбонлар бош мураббийи Жасур Абдураимов иштирок этмади. Сабаби учрашувдан кейин Абдураимов футболчиларга кўрсатма бераётган эди, унинг ўрнига "Металлург" катта мураббийи Артём Петросян журналистлар саволларига жавоб қайтарди.

"Бундай ўйинларда ютқазиш жуда алам қилади. Иккала таймда ҳам ўйинни назорат қилдик ва ҳужумлар қилдик. Афсуски иккита қарши ҳужумдан иккита гол ўтказиб юбордик. Рақибга деярли имконият бермадик. Қаерда хато қилганимизни кўриб, таҳлил қиламиз", - дейди Артём Петросян.

- Учрашувни марказий ҳужумчисиз бошлашга нима сабаб бўлди?
- Нега ҳужумда Саламат Қутибоев ўйнади-ку. Тўғри у ярим ҳимоячи, аммо бугун ҳужумда ўйнади. Саламат ўз вақтида ҳужумчи бўлган. Қизиғи биринчи таймда голлар уриш учун етарли вазиятлар ярата олдик. Аммо гол ура олмадик, яратилган вазиятлардан фойдаланиш керак.

- Тошпўлатов ва Нарзуллаев жамоани тарк этишига нима сабаб бўлди?
- Бу саволга жавоб бера олмайман.