Қирғизистон бош мураббийи Амиржан Муканов: "Бугун нимани истаган бўлсак барчасини кўрдик"

Ушбу баҳсдан сўнг рақиб жамоа бош мураббийи Амиржан Муканов фикрлари билан ўртоқлашди.

"Жуда яхши ўйин гувоҳига айландик. Биз учун мазкур баҳс ўзига ҳос фойдали бўлди деб ўйлайман. Ўзбекистон каби кучли рақиблар билан ўйинлар ҳар доим қийин кечган. Тенг курашлар остида кечди, вазиятлар кўп бўлди. Нимани истаган бўлсак бугун барчасини кўрдик.

Терма жамоада таркиб борасида ўзгаришларга қўл урмоқдамиз. Айни пайтда таркибдаги аксарият футзалчилар ёш ва иқтидорли. Мазкур йиғинга бир нечта легионерларимизни таклиф қила олмадик. Барқарорликка эришишимиз учун бу камлик қилади. Янада кўпроқ ишлашимиз керак. Кўпроқ ўртоқлик учрашувларида иштирок этиб тажриба тўплаб борамиз. Айтганимдек легионерлар кела олишмади, етакчи футзалчиларимизда эса жароҳат бор. Ёшлар Ўзбекистонга қарши ўйинда ёмон таассурот қолдирмади",- дейди Амиржан Муканов.