Қирғиз Республикаси терма жамоаси асосий ҳужумчиси бир ойга сафдан чиқди
11 фев 12:35
Янгиликлар
Қирғиз Республикаси терма жамоаси асосий ҳужумчиси бир ойга сафдан чиқди
Қирғиз Республикаси терма жамоаси ва Эроннинг "Истиқлол" клуби ҳужумчиси Жоэль Кожо жароҳат сабаб камида 4 ҳафтага сафдан чиқди.
Бу ҳақида АЗИЯ-СПОРТ телеграм канали хабар бермоқда.
Кожо Эрон чемпионати доирасидаги "Мес Рафсанжан"га қарши баҳсда жароҳат олган (0:0).
"Ўйиндан кейин форвард махсус тиббий кўрикдан ўтган. Унинг натижалари эса Жоэль Кожо тиззаости мушакларидаги муаммо туфайли камида 4 ҳафта майдонга туша олмаслигини кўрсатди. Айнан тўрт ҳафтадан кейин биз унинг жисмоний ҳолатини қайта текширувдан ўтказамиз. У тўлиқ тайёр бўлганидан кейингина жамоавий машғулотларга қайтади, - деди Эрон клуби шифокори.
Натижада, Жоэль Кожо Элит Осиё Чемпионлар Лигасида Қатарнинг "Ал Райян" клубига қарши муҳим ўйинда ҳам жамоасига ёрдам бера олмайди.
Эслатиб ўтамиз, ЖЧ саралаши доирасидаги Ўзбекистон - Қирғиз Республикаси баҳси 20 март санасига белгиланган.

Ўхшаш янгиликлар
championat.asia
Расман: Тимур Кападзе — "Навбаҳор" бош мураббийи!
Ла Лига. "Реал" меҳмонда "Жирона"ни мағлуб эта олмади
Расмий хабар: Исломбек Исмоилов — "Нефтчи" бош мураббийи
Эшитдик-да! "Навбаҳор" тез орада янги мураббийни таништиради
Фикрлар