Қайси бири Салаҳ? Мисрда Салаҳнинг "эгизаги" топилди ФОТО

2016 йили "Лестер" АПЛ чемпиони бўлганида Жейми Вардининг эгизаги машҳур бўлиб кетганди. Хаттоки улар байрамни бирга нишонлашган.

Ўтган йили Эронда Мессига қуйиб қўйгандек ўхшаш Ризо Парастеш ОАВда машҳур бўлиб кетганди. Кўпчилик Ризо Парастеш соч турмаги ва соқолини худди Мессиникидек турмаклаганини суратларда гувоҳи бўлган.

Энди мисрлик Аҳмад Бахаанинг машҳур бўлиш вақти келди. Қай бири Муҳаммад Салаҳ эканлигини топиш мушкул. Кўплаб футбол мухлисларининг фикрича, бу эгизаклар тарихидаги энг яхши ўхшашликдир, дейишмоқда.

Бахаа Гиза шаҳрида истиқомат қилади. У Қоҳира университетини тамомлаган. Айни дамда инженер бўлиш ишлайди ва футбол билан шуғулланиб туради.

Мисрнинг асосий юлдузига ўхшашлиги Бахаага улкан шуҳрат олиб келди. 2016 йили Бахаа мунтазам равишда телевидениеда кўриниш берди. Мухлислар эса уни кўриб қолишса Муҳаммад Салаҳ билан адаштириб юборишмоқда.

Салаҳ "эгизаги" Бахаа билан  "Рома"да фаолият юритаётган пайтда кўришган. Узоқ вақт давомида кимга ўхшаб қолганини билин учун эҳтиёж йўқ эди. "Салаҳ мени кўрганда шокка тушиб қолди! У ўзини худди кўзгуни олдида тургандек тасаввур қилганини айтди. Салаҳ 25 ёшда, мен эса 30 ёшдаман", - дейди Бахаа.

Мана бу эса Муҳаммад Салаҳнинг ўзи. Улар бир бирига шунчалик ўхшашми?