Қатар U-23 бош мураббийи Николас Кордова: "Аввалгиларидан фарқли равишда мусобақага ёшроқ таркиб билан келдик"

Унда бош мураббий Николас Кордова ва дарвозабон Салоҳ Закария қатнашди.

"Мусобақага Осиёнинг энг кучли терма жамоалари йиғилган. Бу бир томондан авлодни янада кучайишига ёрдам беради. Яхши ўйин кўрсатиб, ижобий натижа кўрсатишни кутяпмиз", – деди Николас Кордова.

- Салоҳ Закарияга савол. Биринчи тур доим қийин бўлади. Эртанги ўйиндан нималарни кутяпсиз?

- Мусобақада иштирок этаётганимдан хурсандман. Бу мен учун учинчи турнир. Умуман олганда, ҳеч бир жамоа учун осон бўлмайди.   

- Қатар терма жамоасида жуда яхши авлод шаклланганди. Бош мураббий бугунги авлод ҳақида нима дея олади?

- Ўйлайманки, ҳозирги авлодимиз ҳам яхши. Ҳозирги мусобақага аввалгилардан фарқли равишда 23 эмас, ёшроқ таркиб билан келдик. Асосий терма жамоамизга футболчиларни етказиб берсак, хурсанд бўламиз. 

- Мусобақага тайёргарлик жараёни қандай кечди? Турнирнинг 3 та фаворитини санаб беринг.

- Биз мусобақага Қатарда ва хорижда ҳозирлик кўрдик. Фаворитга келсак, ҳар бир жамоада имконият бор. 

- Гуруҳдаги асосий рақобатчи сифатида қайси терма жамоани кўрсата оласиз? 

- Алоҳида кимнидир ажратиб кўрсатолмайман. Ҳар бир ўйиндан келиб чиқиб, буни билиб оламиз. Натижа учун қўлимиздан нима келса, ҳаммасини қиламиз.

- Мусобақага келишдан олдин бир қатор ўртоқлик учрашувларида майдонга тушдингиз. Жамоанинг аниқ бир ўйин услуби шаклландими? 

- Турниролди ўйинлар албатта ёрдам беради. Мусобақа давомида бу бизга қўл келади. 

- Минимум мақсад қандай?

- Биз минимум эмас, максимум натижа ҳақида ўйлаганмиз. Биз узороққа боришни режа қилганмиз. Ўйлайманки, бу қўлимиздан келади. 

- Салоҳ Закарияга савол. Эрон ҳақида нималарни биласиз?

- Биз мураббийлар штаби билан уларнинг ўйинини ўрганиб чиқдик. Эрон билан қийин ўйин кутиб турибди. Ўйлаган ниятимизга етамиз деган умиддамиз.