Қатар термаси бош мураббийи Маркес Лопес: "Мақсадимиз - финалга чиқиш"
11 янв 2024 17:23
Янгиликлар

Қатар термаси бош мураббийи Маркес Лопес: "Мақсадимиз - финалга чиқиш"

Эртага Қатар мамлакатида қитъанинг энг нуфузли мусобақаси бўлмиш Осиё кубоги старт олади.

Мусобақанинг очилиш ўйинида Қатар терма жамоаси ва Ливан ўзаро куч синашишади. Мезбонлар бош мураббийи Маркес Лопес учрашув олдидан ўтказилган матбуот анжуманида ўз фикрлари билан ўртоқлашди.

"Гуруҳимиздаги терма жамоалар бир бирига жуда яқин даражада. Биз ўхшаш рақибларга қарши майдонга тушамиз. Албатта, кейинги босқичга чиқиш имконитимиз бошқаларга қараганда яхшироқ.
Менинг мақсадим Қатар терма жамоасини финалга олиб чиқиш. Мураббийлик тажрибам менга гуруҳ босқичига ижобий ёндашишга имкон беради.
Жамоамизда Жаҳон чемпионати ва аввалги Осиё кубогида иштирок этган тажрибали ўйинчилар бор. Бу Қатар терма жамоасининг энг катта устунлиги", - дейди Маркес Лопес.