УЕФА Миллатлар лигаси (А лигаси) гуруҳ босқичининг 3-тур учрашуви якунланди, унда Испания ва Чехия терма жамоалари куч синашишди. Баҳс Овьедодаги "Нуэво Карлос Тартьере" стадионида бўлиб ўтди. Учрашувда грециялик Василис Фотиас бош ҳакам сифатида ишлади. Учрашувда майдон эгалари 3:1 ҳисобида ғалаба қозонишди.
Учрашувдаги биринчи голни 6-дақиқада Испания терма жамоаси вингери Ламин Ямал киритди. 35-дақиқада ярим ҳимоячи Родри майдон эгаларининг устунлигини оширди. Чехия ҳимоячиси Иржи Слама 69-дақиқада битта жавоб тўпини киритди. 85-дақиқада Чехия сардори Ладислав Крейчи иккинчи сариқ карточка сабабли майдондан четлатилди. 89-дақиқада эса Испания терма жамоаси ярим ҳимоячиси Микель Мерино якуний ҳисобни ўрнатди — 3:1.
Испания - Чехия 3:1
Голлар: Ямал 6, Родри 35, Мерино 89 - Слама 69.
Испания: Райя, Фреснеда, Ле Норман, Лапорт, Гарсия, Родри, Ольмо, Педри, Ямаль, Баэна, Роберто.
Чехия: Кински, Сачек, Халоупек, Крейчи, Слама, Мацек, Амброс, Крал, Радоста, Гложек, Лингр.
