Қашқадарё чемпионати. “Ҳисор” иккинчи даврани ғалаба билан бошлади

Мазкур турнинг 6 учрашувида беш ғалаба ва бир дуранг қайд этилди. Учта ўйинда майдон эгалари рақиблар дарвозасига кўпроқ тўп киритишган. Иккита ғалабани сафарда Шаҳрисабзнинг “Ҳисор” ҳамда Касбининг“Навбаҳор” жамоалари қўлга киритишди. Фақатгина “Олимпия” ва “Пўлати” жамоалар ўртасидаги кескин баҳсда 1:1 ҳисоби қайд этилди. 

Ушбу турда “Машъал-ФМ” жамоасига техник ғалаба ёзилди. Чироқчининг  “Чироқчи” жамоаси номаълум сабабларга кўра “Машъал-ФМ”  жамоасини ўз майдонида қабул қилмади. “Насаф-ФМ” тайёрлов гуруҳлари ўртасида мамлакат биринчилигида иштирок этаётгани боиси  вилоят чемпионатидаги тур учрашувлари қолдирилди.

19-турдан кейинги вазиятда “Шўртан-ФМ” 38 очко билан турнир жадвалида ҳамон карвонбошилик қилмоқда. Суҳроб Азизов бошчилигидаги Шаҳрисабзнинг “Ҳисор” жамоаси сафардаги муҳим ғалабадан сўнг 18 учрашувда 12 ғалаба ва 37 очко жамғарган ҳолда иккинчи ўринда бормоқда. 

“Кўкдала”жамоаси учинчи поғонадаги ўрнини Касбиининг“Навбаҳор” жамоасига бўшатиб берди. “Насаф” голкипери Санжар Қувватовнинг отаси Ҳошим ака Қувватов бошчилигидаги “Навбаҳор” эса “Қарлиқ” билан кечган ўйинда 2:1 ҳисобида устун келди. Касбиликлар 34 очко билан учинчи поғонага юқорилади. 

19-тур натижалари 
“Новқат-CITY”-“Ҳисор” 0:1
“Шўртан”-“Кўкдала” 4:3
“Аланга”-”Бинокор” 5-2
“Нишон”-“Турон” 7:3
“Қарлиқ”-“Навбаҳор” 1-2
“Олимпия”-“Пўлати” 1:1

20-тур учрашувлари
23 сентябрь
“Пўлати”-“Навбаҳор”
“Қарлиқ”-“Новқат-CITY”
“Ҳисор”-“Аланга”
“Бинокор”-“Нишон”

24 сентябрь
“Зафар”-“Турон”
“Кўкдала”-“Олимпия”
“Шўртан-ФМ”-“Чироқчи”
“Машьал-ФМ”-“Насаф-ФМ”

Фахриддин Чориев.