Қаршидаги футбол академиясида "Орзунинг шонли йўли" китоби тақдимоти ўтказилди

Ўзбекистон Ёзувчилар уюшмаси Қашқадарё вилоят бўлими, вилоят болалар-ўсмирлар футбол академияси билан ҳамкорликда мазкур академия тарбияланувчилари иштирокида таниқли футбол юлдузи Одил Аҳмедовнинг "Орзунинг шонли йўли" китоби тақдимотини  ўтказилди. Китоб тақдимотида Ўзбекистон Ёзувчилар уюшмаси Қашқадарё вилоят бўлими раҳбари Ғ.Абдиев, спорт шарҳловчиси, фахрий журналист Ҳ. Темиров, шоир Турди Ҳайдар, вилоят болалар- ўсмирлар футбол академияси директори Н.Султонов, фахрий футболчилар Эркин Қиёмов, З. Тўрақулов хамда футбол академиясининг маънавий-маърифий ишлари буйича директор уринбосари Ш.Рузиевлар иштирок этишди.  Тадбир қатнашчилари таниқли футболчи Одил Аҳмедов қаламига мансуб китобнинг мазмун-моҳияти, ҳозирда Ўзбекистон футбол ассоциацияси вице-президенти лавозимида фаолият юритаётган китоб муаллифининг ҳаёт йўли, футбол соҳасидаги  тажрибалари ҳақида батафсил сўзлаб бердилар.

Таъкидлаш жоиз, Қашқадарё вилоят болалар- ўсмирлар футбол академияси 2018 йилда ташкил этилган бўлиб, айни пайтда академияда 154 нафар, 11 ёшдан 17 ёшгача бўлган  иқтидорли ёшлар спортнинг футбол тури бўйича таълим - тарбия олишади.