Пулишич: “Бу ғалаба бизга керак эди. Кучли тўртликка киришимизга ишонаман”
05 июл 08:55
Янгиликлар

Пулишич: “Бу ғалаба бизга керак эди. Кучли тўртликка киришимизга ишонаман”

“Челси” ярим ҳимоячиси Кристиан Пулишич АПЛ 33-тури доирасида “Уотфорд”га (3:0) қарши баҳс ҳақида гапириб ўтди.

“Бу ғалаба бизга ниҳоятда зарур эди. Биз жуда ҳам ишонарли ҳаракат қилдик ва ўтган ўйиндаги очко йўқотишимиздан сўнг бу баҳсда керакли натижани қўлга киритиш талаб этилганди.

Ўз ўйинимдан мамнунман, ўзимга бўлган ишончим юқори. Жамоамга ёрдам бера олишимни ҳис қилиб турибман. Эден Азар “Челси” учун бетакрор футболчи бўлган, аммо мен уни такрорламоқчи эмасман. Ўзим учун керакли йўлни танлаб олганман.

Кучли тўртликка кириш учун кураш кескин кечиши аниқ ва барчаси мавсум якунида ҳал бўлади. Биз ўз кучимиз билан энг кучли тўрт жамоа қаторида бўлишимизга ишоничим комил”, дея футболчининг сўзларидан иқтибос келтирмоқда Sky Sport.

Ҳавола :

Манба : Sky Sports

Янгиликларни Телеграмда ўқинг!

Рейтинг: +3