ПСЖ Криштиану Роналдуга қизиқишни тиклади
11 окт 2020 17:17
Янгиликлар

ПСЖ Криштиану Роналдуга қизиқишни тиклади

"Пари Сен-Жермен" 2021 йилнинг ёзида "Ювентус" ҳужумчиси Криштиану Роналду билан шартнома имзолашни режалаштирмоқда.

Турин клуби молиявий қийинчиликларни бошдан кечирмоқда, ПСЖ эса бундан фойдаланиб қолмоқчи ва Криштиануни Францияга таклиф қилмоқчи.

Парижликларнинг қизиқишига қарамай, португалиялик футболчи шартномани сўнггига қадар "Юве"да ўйнамоқчи. Унинг Турин клуби билан тузган шартномаси 2022 йилга қадар мўлжалланган. Форварднинг маоши йилига 31 миллион еврони ташкил этади.

Роналду "Ювентус"га 2018 йилнинг ёзида Мадриднинг "Реал" клубидан 117 миллион евро эвазига ўтган эди. 35 ёшли форвард ўтган мавсум Италия чемпионати доирасидаги 33та ўйинда майдонга тушиб, 31та гол ва 5та ассист қайд этди.

Ҳавола :

Манба : calciomercato.it

Янгиликларни Телеграмда ўқинг!

Рейтинг: +14