UZ

ПРО-Лига. Даврон Исақов: "Беш йил ичида ПРО-Лигада икки бор чемпион бўлдим. Энди навбат Суперлигага..." Янгиликлар

ПРО-Лига. Даврон Исақов: "Беш йил ичида ПРО-Лигада икки бор чемпион бўлдим. Энди навбат Суперлигага..."

Коронавирус пандемияси туфайли айни дамда ПРО-Лига мусобақалари вақтинча тўхтатилган.

Юзага келган танаффусдан фойдаланиб сайтимиз мухбирлари ПРО-Лига жамоалари футболчилари билан интервьюлар ташкил этишмоқда. Қуйида Яйпаннинг "Турон" жамоаси етакчи футболчиларидан бири Даврон Исақов билан ташкил этилган интервьюни эътиборингизга ҳавола этамиз.

- Айни дамда "Турон" жамоаси машғулотлари қай тарзда ўтмоқда?


- Хабарингиз бор, карантин тартиблари кучайтирилгач, ПРО-Лига ўйинлари вақтинча тўхталилди. Ушбу давр мобайнида клубимиз мураббилар штаби билан уй шароитида машғулотларни олиб бормоқдамиз. Жорий мавсумдан умидимиз катта, насиб бўлса йил якунида Суперлига йўлланмасини нишонлаймиз.

- ПРО-Лига клублари орасида қайси жамоанинг чемпионликка имкониятларини юқори баҳолайсиз?

- Юзага келган танаффус туфайли айни дамда жамоаларнинг имкониятларини чамалаш қийин. Қайсидир клубнинг жисмоний тайёргарлиги юқори, бошқасида ундай эмас. Шу сабабли ҳеч бир жамоани алоҳида ажратиб кўрсата олмайман.

- Бугунга қадар ПРО-Лигада 3 та тур учрашувлари ўтказилди. "Хоразм" ва "Оқ-тепа" мағлуб этилди, сафардаги учрашувда "Шўртан" билан мағлубият. Шу ўйинлар ҳақида нималарни айта оласиз?


- Ҳар уч ўйинга ҳам жиддий тарзда тайёргарлик кўргандик. "Хоразм" ва “Оқ-тепа" билан бўлган баҳсларда ўйлаган режаларимиз амалга ошди. Лекин "Шўртан"га қарши ўйинда тезкор гол қўйиб юборганимиз ҳаммасини ўзгартириб юборди. Ўйинимизни ўнглаб олгунимизга қадар вақт ўтиб кетиб қолди. Умуман айтганда тан олиш керак, "Шўртан" яхши шаклланган жамоа экан.

- Пандемия даврида ПРО-Лигани марказлаштирилган холда ўтказиш фикрига муносабатингиз қандай?


- Ўйинларни марказлашган холда ташкил этилиши бу мавсумнинг қолган қисмини тўлиқ ўтказишга имкон яратади. Шунингдек, жамоалар карантин тартибларига қатъий амал қилишлари таъминланади, вирус юқиш хавфи камаяди.

- Футболчи сифатидаги мақсадларингиз қандай? Бугунга қадар нималарга эришдингиз, нималарга эндиликда эришмоқчисиз?


- Ўтган 5 йил давомида ПРО-Лигада икки бор чемпионликни қўлга киритдим. Насиб бўлса куни келиб Суперлига ғолиблигини ютишни истайман.


Бекзод Толибов ёзиб олди.

Рейтинг: +6   

Фикрлар

+1   
06 авг 10:35:50
Фарҳоджон Одилов Қувасой
эххх Давроооон. Цементчида қандей тўпурар эдиза, ўшаааал дамлаааар((( Туронга омад, Даврон Исоқов эса суперлигада ҳам кўплаб голлар урсин
+1   
06 авг 10:33:03
Madolim
Turon zoʻr jamoa! Homiysi tashlab ketmasa aniq chempion boʻladi super ligada ham
   
06 авг 22:12:20
RamzNav
Omad Davron ,Qayqidan salom
   
06 авг 13:43:31
Имомрасул
Косонсой футбол мухлислари номидан Давронга омад
   
06 авг 11:34:18
Kosonsoychi91FCRM4
Косонсойчила уйнаан Даврон шу масмиди
   
06 авг 07:45:51
Juventus FC
Даврон Андижон учун яхши мехнати синган. Омад!
-1   
06 авг 08:15:33
Fanat_123
Нефтчидан Санжар Зокировди хам чикарилар. Унда хам худди шундай 2 та чемпионлик медали бор.
-2   
06 авг 10:33:05
Маъмурхужа Турсунов
Марказлашган чемпионат вирус учогида булади юкмайди тошкентда булса чунки постларда солдат курол билан турибди бизни чемпионат тажриба утказиш куенчаси сеперлиган уйини колдирди диер 14 клубни уйинчилари уйга кетиб ярмидан купи юктириб олди вирусни
-2   
06 авг 10:00:41
Nazir Dusmatov
30 yildan beri uqituvchilik qilaman
championat.asia
< сўнгги янгиликларни кўриш
Яндекс.Метрика