ПРО-Лига, “Б” гуруҳи. 10-турнинг 4та ўйинига 1748 мухлис!

“Б” гуруҳидаги ўйинларга мухлисларнинг қизиқиши сезиларли даражада пасайиб кетганини кўриш мумкин. Буни рақамлар ҳам айтиб турибди. Хусусан ўтган турнинг 4 та ўйинига 4000дан зиёдроқ томошабин кирганди. Бу сафар эса 4та учрашувга жами 1748 томошабин киргани қайдномада кўрсатиб ўтилган. Бу эса ҳар битта ўйинга ўртача 437 ишқибоз кирганини англатади.  10-турда энг кўп мухлис “Зомин” – “Локомотив-БФК” ўйинида кузатилди. Аксинча энг кам томошабин эса Самарқандда кечган “Шердор” – “Ифтихор” ўйинига ташриф буюрди.

Томошабинлар ташрифи кимда қандай?
“ЗОМИН” – “ЛОКОМОТИВ-БФК” - 2:0  (1:0).
Зомин шаҳри. “Марказий” стадион. 1345 томошабин.
“НУРАФШОН” – “ЛАБСА” - 2:0 (0:0).
Юқори Чирчиқ тумани. “Дўстлик” стадиони. 167 томошабин.
“ҒИЖДУВОН” – “ХОТИРА-79” - 3:1 (3:1).
Ғиждувон шаҳри. “Наврўз” стадиони. 119 томошабин.
“ШЕРДОР” – “ИФТИХОР” - 3:2 (1:2).
Самарқанд шаҳри. “Динамо” стадиони. 117 томошабин.