Превью. "Сўғдиёна" - "Олмалиқ"

«Сўғдиёна» (Жиззах) – «Олмалиқ» (Олмалиқ)
14 май 2016. Жиззах. "Сўғдиёна" стадиони. 18:30
Ҳакамлар: А. Асимов (Тошкент), Р. Фозилов (Наманан), М. Мажидов (Наманган), Ф. Норсафаров (Қарши)
Назоратчи: Ш. Жумаев (Қарши).

Бу икки клубнинг йўллари олий лига ўйинларида 12 бор кесишган. Натижалар “Олмалиқ”нинг кичик устинлигини кўрсатмоқда. “Олмалиқ” 5та ўйинда ғалабага эришган. 4та баҳсда ғолиб аниқланмаган. Қолган 3та ўйинда “Сўғдиёна”нинг қўли баланд келган. Тўплар нисбати ҳам “Олмалиқ” фойдасига. Олмалиқликлар шу кунга қадар ўзаро ўйинларда 26та гол уриб ўз дарвозаларидан 20 марта тўп олиб чиқишган. Ўзаро ўинларда “Олмалиқ” 19, “Сўғдиёна” эса 13 очкони қўлга киритган.

“Сўғдиёна” олий лигада “Олмалиқ” устидан 5:2 ҳисобида ғалаба қозонган. Бу ўзаро ўйинлардаги жиззахликларннг энг йирик ғалабаси ҳисобланади. “Олмалиқ”нинг ўзаро ўйинлардаги эришган энг йирик ғалабаси эса 4:1га тенг.

2015 йил 13-турда Олмалиқда ўтган баҳсда мезбонлар муваффақиятга эришишган. Дастлаб меҳмонлар вакили Санжар Рашидов ҳисобни очганди. Бунга Ғулом Ўрунов (иккита) ва Ислом Иномовнинг голлари билан жавоб берилган – 3:1. Иккинчи даврада Жиззахдаги ўйинда Санжар Рашидовнинг урган голи "Сўғдиёна"га ғалаба келтирганди - 1:0.

“Сўғдиёна” майдонида бўлиб ўтган охирги беш учрашув:
30.10.2015 «Сўғдиёна» - «Олмалиқ» 1:0
09.08.2014 «Сўғдиёна» - «Олмалиқ» 0:0
04.08.2013 «Сўғдиёна» - «Олмалиқ» 2:2
15.10.2011 «Сўғдиёна» - «Олмалиқ» 5:2
23.03.2009 «Сўғдиёна» - «Олмалиқ» 3:2

Ўзаро ўйинлар ҳақида факт: “Сўғдиёна” ўз майдонидаги ўйинларда бу рақибга умуман ютқазмаган. Уч бор ғалаба қозонган ва 3 марта дуранг ўйнаган. “Сўғдиёна” уйида ўтган охирги икки баҳсда гол ўтказмаган.