Превью. "Сўғдиёна" - "Машъал"

«Сўғдиёна» (Жиззах) – «Машъал» (Муборак)
2 май. Зомин. “Зомин” стадиони. 16:30
Ҳакамлар: М. Муҳаммедов (Тошкент вил.), А. Снетков (Тошкент вил.), Р. Нўъмонов (Тошкент), А. Эргашев (Тошкент)
Назоратчи: А. Абдуллаев (Тошкент).
 
“Сўғдиёна” ва “Машъал” олий лигада 20 бора тўқнаш келишган. Натижалар Муборак жамоасининг катта устунлигини кўрсатмоқда.

“Машъал” 11 марта бу жамоадан устун келган. “Сўғдиёна” 4 марта ғалаба қозонган ва 5 бор дуранг ўйнаган. “Машъал” тўплар нисбатида ҳам устунликка эга – 32:19. “Газчилар” ўзаро ўйинларда 38, “Сўғдиёна” эса 17 очкони ўз ҳисобига ёзиб қўйган. Жиззахликларнинг нинг ўзаро ўйинлардаги энг йирик ғалабаси 3:0, “Машъал”нинг энг йирик муваффақияти 5:1га тенг.

Ўтган йил биринчи турда “Сўғдиёна” майдонида ўтган баҳсда Суҳроб Бердиев ҳисобни очганди. Бунга Зоҳир Қўзибоев жавоб берганди – 1:1. Иккинчи даврада Муборакда ташкил этилган учрашувда эса мезбонлар зафар қучишган. Аббос Омонов, Андрей Деркач ва Зоҳир Қўзибоев меҳмонлар дарвозасига, Жасур Ҳакимов ва Олександр Каблаш мезбонлар дарвозасига гол уришган – 3:2.

“Сўғдиёна” майдонида ўтган сўнгги беш учрашув:
15.03.2014 «Сўғдиёна» - «Машъал» 1:1
25.08.2011 «Сўғдиёна» - «Машъал» 2:3
01.03.2009 «Сўғдиёна» - «Машъал» 1:0
12.04.2008 «Сўғдиёна» - «Машъал» 2:4
03.06.2006 «Сўғдиёна» - «Машъал» 0:1

Ўзаро ўйинлар ҳақида факт: “Сўғдиёна” ўз майдонида уч бора “Машъал”дан устун келган. Иккита учрашувда ғолибни аниқлашнинг имкони бўлмаган. 5та ҳолатда Муборак клуби сафардан ижобий натижа билан қайтган. “Сўғдиёна” ўз мезбонлик қилган охирги 8 ўйинда фақат бир бор зафар қучган.