ПРЕВЬЮ. "Нефтчи" - "Навбаҳор"

«Нефтчи» (Фарғона) – «Навбаҳор» (Наманган)
15 август. Қўқон. “Марказий” стадион. 17:15
Ҳакамлар: В.Цейтлин, Р.Самандаров, О.Жумаев, А.Жўрахонов.
Назоратчи: С.Эрматов.

“Навбаҳор” ва “Нефтчи” олий лигада 45 бор куч синашишган. Устунлик “Нефтчи” томонида. 22та ўйинда фарғоналиклар рақибни мағлуб этишган, 12 учрашувда дуранг натижа қайд этилган. Яна 11та ўйинда “Навбаҳор” зафар қучган. “Нефтчи” ўзаро ўйинларда 71 бор рақиб дарвозасига йўл топа олган. “Лочинлар” эса 47 бор гол киритишган. “Нефтчи” ўзаро ўйинларда 78 очкони қўлга киритган бўлса, “Навбаҳор” ҳисобида 45 очко мавжуд. “Навбаҳор”нинг “Нефтчи” устидан қозонган энг йирик ғалабаси – 3:0 бўлиб турибди. “Нефтчи”нинг йирик ғалабаси эса – 4:1.

Биринчи даврада Косонсойда ташкил этилган ўйинда иккала жамоа биттадан гол уришган. Шукур Пўлатов 76-дақиқада ҳисобни очган бўлса, баҳс якунига 4 дақиқа қолганида Жаҳонгир Жиямуродов мувозанатни тиклаганди – 1:1.

Фарғонада ўтган сўнгги беш учрашув:
29.06.2013 «Нефтчи» - «Навбаҳор» 2:0
27.08.2012 «Нефтчи» - «Навбаҳор» 3:0
30.07.2011 «Нефтчи» - «Навбаҳор» 1:1
14.08.2010 «Нефтчи» - «Навбаҳор» 4:3
23.08.2009 «Нефтчи» - «Навбаҳор» 2:0

Ўзаро ўйинлар ҳақида факт: “Нефтчи” уйида ташкил этилган учрашувларнинг 17тасида мезбонлар уч очкони қўлга киритишган. 3 марта ғолиб аниқланмаган. Фақат 2 бор “Навбаҳор” рақиб майдонидан муваффақият билан ортига қайтган. Фарғонада бўлиб ўтган охирги 9та ўйинда “лочинлар” ғалаба қозона олишмаган.