ПРЕВЬЮ. «НЕФТЧИ» – «БУХОРО»
03 авг 2014 09:02
Янгиликлар

ПРЕВЬЮ. «НЕФТЧИ» – «БУХОРО»

Олий лиганинг иккинчи даврасининг илк турида "Нефтчи" "Бухоро" клубини қабул қилади.

«Нефтчи» (Фарғона) – «Бухоро» (Бухоро)
3 август. Қиргули. “Нефтчи СК” стадиони. 17:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Эргашев (Тошкент).
Назоратчи: И. Нехочин (Наманган).

Бу икки клубнинг йўллари олий лига ўйинларида 43 бор кесишган. Устунлик “Нефтчи” томонида. 32та ўйинда фарғоналикларнинг қўли баланд келган бўлса, 9та учрашувда “Бухоро” ғолиб бўлган. Икки учрашувда ғолиб аниқланмаган. Тўплар нисбати “Нефтчи” фойдасига 94:35. Ўзаро ўинларда “Нефтчи” 98 очкони, “Бухоро” эса 29 очкони қўлга киритган.

“Нефтчи” олий лигада “Бухоро” устидан 5:0 ҳисобида ғалаба қозонган. Бу ўзаро ўйинлардаги водий клубининг энг йирик ғалабасидир. “Бухоро”нинг ўзаро ўйинлардаги энг йирик ғалабаси эса 4:1 бўлиб турибди.

Биринчи турда Бухородаги ўйинда мухлислар фақат битта гол кўришган. Феруз Бобоқулов биринчи бўлим ўрталарида “Нефтчи”ни ранжитганди – 1:0.

Фарғонада ўтган сўнгги беш учрашув:
17.08.2013 «Нефтчи» - «Бухоро» 1:0
01.07.2012 «Нефтчи» - «Бухоро» 3:1
25.08.2011 «Нефтчи» - «Бухоро» 2:0
26.09.2009 «Нефтчи» - «Бухоро» 3:1
30.06.2008 «Нефтчи» - «Бухоро» 2:0

Ўзаро ўйинлар ҳақида факт: “Нефтчи” ўз майдонида бўлиб ўтган учрашувларда ушбу рақибга умуман имконият қолдирмаган. Водийда ташкил этилган 21та баҳснинг барчасида мезбонлар уч очкога эга чиқишган!

Ҳавола :

Манба : championat.asia

Янгиликларни Телеграмда ўқинг!

Рейтинг: