Превью. "Бунёдкор" - "Сўғдиёна"

«Бунёдкор» (Тошкент) – «Сўғдиёна» (Жиззах)
24 сентябрь 2015. Тошкент. "Бунёдкор" стадиони. 18:00
Ҳакамлар: А. Асимов (Тошкент), Т. Галеев (Тошкент), А. Пўлатов (Тошкент), Ф. Нарсафаров (Қарши)
Назоратчи: Ғ. Каримов (Тошкент).
ЎзПФЛ вакили: Н. Лутфулин.

“Бунёдкор” ва “Сўғдиёна” олий лигада 11 бора тўқнаш келишган. Натижалар пойтахт жамоасининг мутлоқ устунлигини кўрсатмоқда.

“Бунёдкор” 11та ўйиндан 10тасини ютган. “Сўғдиёна” бу рақибни фақат бир марта мағлуб этган. “Бунёдкор” ўйинларда 33та гол киритган, жиззахликлар 3 бора “қалдирғочлар” дарвозасини ишғол этишган. “Бунёдкор” ўзаро ўйинларда 30 очкони ўз ҳисобига ёзиб қўйган бўлса, “Сўғдиёна”да бу кўрсаткич 3тани ташкил этади. “Бунёдкор”нинг ўзаро ўйинлардаги энг йирик ғалабаси 6:1. “Сўғдиёна”нинг ягона ғалабаси 2:1га тенг.

Биринчи даврада “Сўғдиёна” ўз тарихида илк бор бу жамоани мағлуб этганди. Ўшанда Жасур Ҳакимов иккинчи бўлимда икки бор “Бунёдкор” дарвозасига тўп киритганди. Шакер Зуагининг голи фақат ҳисобни қисқаришини таъминлаган эди – 2:1.

Тошкентда ўтган сўнгги беш учрашув:
18.10.2014 «Бунёдкор» - «Сўғдиёна» 1:0
04.03.2013 «Бунёдкор» - «Сўғдиёна» 5:0
06.08.2011 «Бунёдкор» - «Сўғдиёна» 1:0
29.06.2009 «Бунёдкор» - «Сўғдиёна» 5:0
25.08.2008 «Бунёдкор» - «Сўғдиёна» 2:0

Ўзаро ўйинлар ҳақида факт: “Бунёдкор” ўз майдонидаги 5та ўйиннинг барчасида “Сўғдиёна”ни мағлуб этишга эришган. Жиззах клуби Тошкентда рақиб дарвозасига умуман тўп кирита олмаган. “Қалдирғочлар” 5та ўйинда жами 15та гол уришган.