Погба АПЛ ҳамда МЮ клуби тарихидан жой олди
14 авг 2021 20:17
Янгиликлар

Погба АПЛ ҳамда МЮ клуби тарихидан жой олди

"Манчестер Юнайтед" ярим ҳимоячиси Поль Погба клуб рекордини ўрнатди.

Франциялик АПЛ 1-тури доирасидаги "Лидс"га қарши ўйинда (5:1) шерикларини 4 та голли пас билан таъминлади, бу эса "қизил иблислар"нинг рекорди.

Шу пайтгача МЮнинг ҳеч бир ўйинчиси Премьер-лиганинг бир ўйинида ассистлардан иборат "покер" қайд этмаган.

Шунингдек, у АПЛнинг бир ўйинида 4 та голли узатмани амалга оширган 7-футболчига айланди. Бунгача "Арсенал" аъзолари – Деннис Бергкамп, Хосе Антонио Рейес, Сеск Фабрегас, Эммануэль Адебайор ва Санти Касорла, "Тоттенхэм" ҳужумчиси Харри Кейн бундай натижага эришган.

Ҳавола :

Манба : Opta

Янгиликларни Телеграмда ўқинг!

Рейтинг: +16