Питер Хюистра: "Апрель ойида бизни оғир ўйинлар кутмоқда. Кучли рақиблар билан ўйинларда барча футболчиларга имконият берилади"

"Биринчи бўлимни яхши ўтказдик. Рақибда деярли голдан ташқари деярли бошқа вазият бўлгани йўқ. Иккинчи бўлимда қизил карточка олганимизга қарамасдан, ғалабани сақлаб қолдик", – Питер Хюистра.

- ОЧЛда битта таркиб билан ҳаракат қилиш қийин. Захирадагилар олдиндаги масъулиятли ўйинларга тайёрми?

- Апрель ойида бизни катта ва қийин учрашувлар кутмоқда. Кучли рақиблар билан ўйинларда барча футболчиларга имконият берилади. Ёш футболчилардан айримлари ўзларини кўрсатиб улгуришди. ОЧЛ уларга тажрибаларини ошириш учун ажойиб имконият.

- Ўйин давомида футболчилар ҳам, сизда ҳам асабийлик кузатилди. Унинг кетидан қизил карточка. Ўтган йили ОЧЛда шундай ҳолатлар панд берганди. Бунинг устида иш олиб бориляптими?

- Бу яхши эмас. Қизил карточкалар, асабий ҳолат кузатиладиган ўйинларда эҳтиёткор бўлиш керак. Кримец қизил олган вазиятда оддий ўйин ҳолати эди. Ўтган йили ОЧЛда иккита қизил карточка олганимиз ёдимда. Мана шундай вазиятлар ўзига хос сабоқ бўлади. 

- Шогирдларингизни ўйинига баҳо берсангиз. Футболчилар кучини сақлаб ўйнагандек кўринди...

- Жамоам яхши ўйин кўрсатди. Рақиб яхши прессинг қилди, тактик жиҳатдан ақлли ҳаракат қилди. Ўйиндан қониқдим. Захирадан майдонга тушганлар ҳам яхши таассурот қолдирди. Ҳар доим ҳаракатда бўлишимиз керак. Биз бундан анча яхшироқ ўйнай оламиз.