UZ

Сўнгги янгиликлар

16:45Сингапур - Ўзбекистон (матнли трансляция)  187 16:40Ўзбекистон МТЖ ўйинолди чигалёзди машқларни якунлади  11 16:23Кавани "Ювентус" билан музокаралар олиб бормоқда  0 16:17ЖЧ-2022 саралаши. Қирғизистон сафарда ғалаба қозонди, икки Корея ўртасидаги тарихий ўйинда дуранг  5 15:26ЖЧ-2022 саралаши. Ўзбекистон МТЖ стадионга етиб келди  49 15:24Сингапур - Ўзбекистон: Асосий таркиблар маълум  102 15:07Сингапурдаги стадионга жонли саёҳат ГАЛЕРЕЯ  44 15:05Сингапур - Ўзбекистон ўйинигача  93 14:55ЖЧ-2022. Осиё минтақасидаги бугунги барча ўйинлар жамланмаси  6 14:52"Golden Boy 2019" соврини учун даъвогарлар маълум қилинди  10 14:44КХДР - Жанубий Корея учрашувига мухлислар келмади  49 14:13Зиданнинг ўғли "Реал"дан кетганидан афсусда эмас  1 13:32Роналду 700та гол урган тарихдаги 6-футболчи  19 13:17Любинко Друлович: "Жанубий Корея билан ўйинлар биз учун фойдали бўлди"  11 12:48ФИФА президенти тарихий ўйинни кузатиш учун Шимолий Кореяга етиб келди  37

ПФЛдаги энг зўр ишлаётган бўлим раҳбари - Бахтиёр Маметов Суперлиганинг янги титул ҳомийси "Coca Cola" ҳақида Янгиликлар

ПФЛдаги энг зўр ишлаётган бўлим раҳбари - Бахтиёр Маметов Суперлиганинг янги титул ҳомийси "Coca Cola" ҳақида

Бугун ПФЛ Суперлиганинг янги 2019 йилги мавсуми учун янги титул ҳомий билан шартнома имзолагани ҳақида расман ахборот берди.

Хабар ёзилишича, "Ўзбекистон Профессионал футбол лигаси Pepsi билан музокара олиб борган ҳамда икки ташкилот ўртасидаги шартнома бугун — 5 март куни имзоланиши керак эди. Бунгача ҳам Coca Cola компанияси ПФЛ билан музокара ўтказганди. Таклиф нисбатан яхшироқ бўлганига қарамай, ПФЛ 2018 йилги ҳомий — Pepsi вариантини маъқулроқ деб топган. Бироқ кеча — 4 март куни Coca Cola ўз таклифини ўзгартирди. Бу таклиф Профессионал футбол лигаси учун олдинга ташланган қадам бўлиши мумкин эди. Унга кўра, компания нафақат Суперлига, балки Ўзбекистон кубоги мусобақаси учун ҳам ҳомийлик қилади", - дейилган.

Қайд этиш керакки, ПФЛ янги мавсумга қуръа ташлаш маросимини "Pepsi" бренди остида ўтказган ва мазкур компания билан келишув узайтирилгани ҳақида Диёр Имомхўжаев алоҳида таъкидлаганди.

Бироқ ПФЛ расмий сайтини ёзишича, янги келишув амалга ошмаган ва музокаралар сўнгги палласида "Coca Cola" ПФЛга инкор этиб бўлмайдиган қулай таклиф билан чиққан. Натижада ПФЛ нисбатан қизиқарли ва қулай таклиф билдирган "Coca Cola" билан титул ҳомийлик бўйича келишувга эришди.

Биз мазкур ҳолатга янада аниқлик киритиш мақсадида ПФЛдаги энг яхши ва профессионал ишлаётган маркетинг бўлими бошлиғи Бахтиёр Маметов билан боғландик:

- "Шуни айтиш керакки, биз билан янги мавсумда Суперлига титул ҳомийси бўлишни истаган кўплаб компаниялар музокарага киришишди. Олдимизда танлов учун имконият пайдо бўлди. Музокаралар давомида биз учун энг қизиқарли ва рад этиб бўлмас таклифни айнан "Coca Cola" компанияси билдирди. ПФЛ "Pepsi" билан ўртадаги ҳамкорликни қадрлайди ва уларга ўтган йили тарихий воқеага сабабчи бўлишгани учун миннатдорчилик билдиради. Чунки айнан улар орқали илк бор Ўзбекистон чемпионати титул ҳомийга эга бўлганди. Ўртадаги келишув эса бир йилга мўлжалланганди. Биз изланишдан ва кўплаб ҳомий ва ҳамкорларни жалб этишдан тўхтамаймиз. Ҳали чемпионат давомида янада янги ҳамкорлар пайдо бўлиш эҳтимолини инкор этмайман. Чунки чемпионатимизга бўлган қизиқиш ва ўзаро ҳамкорлик қилмоқчи бўлган компаниялар сони анча ортган. Бу эса кишини қувонтиради. Бунга қадар эса биз "Ўзбекинвест" суғурта компанияси билан келишувга эришгандик. Шунингдек, ҳали бу ишлар давом этади. Қайд этиш керакки, ўзаро ҳамкорлик давомида нафақат улар бизга манфаатли таклифлар билан чиқишмоқда, балки биз ҳам ҳамкор ва ҳомийларни қизиқтира оладиган турли хил пакетлар тақдим этяпмиз. Яъни, бу келишувлардан ҳар иккала томон бирдек манфаатдор бўлмоқда".

Шу ўринда кўпчиликда тушунмовчиликлар келтириб чиқараётган ва ПФЛ бош директори маслахатчиси Диёр Имомхўжаев эълон қилган "Pepsi" компанияси билан янги келишув имзолангани қанчалик ҳақиқат деган савол туғилаётганди.

Мазкур ҳолат бўйича Бахтиёр Маметов вазиятни очиқлади:

- "Биз "Pepsi" билан янги мавсум учун ҳали шартнома имзоламагандик. Шу боисдан ҳам ҳеч қандай ўртадаги шартнома ёки келишув бекор қилингани йўқ. Шунчаки "Coca Cola"нинг қизиқарли таклифи танловни улар фойдасига қилишимизга асосий туртки бўлди. Бундан эса нафақат ПФЛ, балки бутун чемпионатимиз ютади, деб ўйлайман".


Суперлиганинг янги мавсуми бошланишига саноқли кунлар қолди. Клублар эса янги мавсумга тараддуд кўриш жараёнида айнан "Pepsi" бренди остидаги реклама ва баннерлар фойдаланишаётганди. Мазкур ҳолат баъзи муаммо ва қийинчиликларни туғдириши мумкин. Бу ҳолатда ПФЛ қандай йўл тутмоқчи? Бахтиёр Маметов бу юзасидан ҳам тушунтириш берди:

- "Тўғри, келишув чемпионатга саноқли кунлар қолганда расмийлаштирилди. Якунда титул ҳомий ўзгарди. Бу эса баъзи ноқулайликларни келтириб чиқариши мумкин. Бироқ клубларга тақдим этиладиган барча баннер ва реклама шитларини ПФЛ ўз зиммасига олади ва бу борада клублар ҳеч қандай зиён кўришмайди. Яъни, бу аввал ҳам бизнинг бўйнимиздаги иш. Умид қиламанки, чемпионат стартигача бу ишларга улгурамиз. Баъзи ишларга улгурмай қолишимиз мумкин. Суперлиганинг 1-туридан кейин ўртада ФИФА кунлари туфайли танаффус юзага келади. Биз эса мазкур танаффус пайтида қолган барча ишларни битиришга ҳаракат қиламиз".

ПФЛ ва "Coca Cola" ўртасидаги битим қанча муддатга тузилган?

Маркетинг бўлими бошлиғи Бахтиёр Маметов Суперлиганинг янги титул ҳомийси "Coca Cola" билан келишувни келаси йили яна узайтириш банди билан 1 йилга мўлжалланганлигини маълум қилди. Шартноманинг қолган шартлари, яъни "Coca Cola" ПФЛга қанча маблағ ўтказиб бериши эса ошкор этилмади. Сабаби, ўзаро келишувга кўра, шартнома бандида буни ошкор этилмаслиги алоҳида кўрсатилган экан.

Шунингдек, Бахтиёр Маметов яқин орада ПФЛ ва "Coca Cola" компанияси вакиллари билан ОАВ ходимлари иштирокида матбуот анжумани ўтказилиши режалаштирилаётганини таъкидлади.

Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг